தலையங்கம்

ஏப்ரல்   2014 

                         பூ : ஒன்று ———————- இதழ் : ஐந்து  

image

வரப் போகிறது என்ற பாராளுமன்றத் தேர்தல் வந்தேவிட்டது. 
யாருக்கு எவ்வளவு சொத்து – எந்த வேட்பாளர் மனு தாக்கல் செய்தபிறகு கட்சி மாறினார்- எந்தக் கட்சிக்கு வேட்பாளரே இல்லாத கொடுமை – இதெல்லாம் நமக்கு கிடைக்கிற சில்லறை சிரிப்புகள்!

காமெடியின் உச்ச கட்டம் – 2ஜி புகழ் ராஜாவுக்கு எதிரான பி.ஜே.பி வேட்பாளரின் வேட்பு மனு நிராகரிக்கப்பட்டது.  

பல கட்டங்களாக நடைபெறும் தேர்தல் தமிழ் நாட்டில் ஏப்ரல் 24 ந் தேதி நடைபெறப் போகிறது.  

கருத்துக் கணிப்புகளும் அரசியல் ஆரூடங்களும் கிளி ஜோசியர் கணக்கில் வந்துகொண்டிருக்கின்றன. 

முடிவு வரும் போது சென்னை வெயிலும் தன் பங்குக்கு பட்டையைக் கிளப்பப் போகிறது! 

ஜெயித்தவர்கள் கெத்தாகப் பேசுவதும், தோற்றவர்கள் சதவீதக் கணக்கில் புள்ளி விவரமாகச் சொல்லுவதும், ஓட்டைப் போட்டவன் தொடர்ந்து ஓட்டாண்டியாகத் திரிவதும் நமக்கு வாடிக்கையாகப் போய்விட்டது, 

காங்கிரஸ் கலயத்தில் கஞ்சி குடித்த நாம் இனி பி.ஜே.பி சட்டியில் குடிக்க நேரலாம். ரெண்டும் ஓட்டை தான். கிழிஞ்ச சட்டையைத் தூக்கி எறிந்து விட்டு நைந்த சட்டையை போட்டுக்கப் கொள்ளப் போகிறோம் . ரெண்டும் ஓட்டை தான். பழைய ஓட்டைப் போட்டு புதிய ஓட்டையை வாங்கப் போகிறோம்.

2G ,நிலக்கரி, ஹெலிகாப்டர் போன்ற ஊழலுக்குப் பதிலாக ரயில்,கடல்,ஆகாயம் என்று வேறு ஏதாவது புதியதாக ஊழல் வரும். 

இப்படி நம்பிக்கை இல்லாமல் பேசுவது சரியா என்று கேட்கலாம்!

என் கருத்து தவறு என்று காலம் நிரூபித்தால் என்னை விட சந்தோஷம் அடைபவர் . யாரும் இருக்க மாட்டார். 

===================================================

Editor and Publisher’s office address:

S.Sundararajan
B-1, Anand Flats,
50 L B Road, Thiruvanmiyur
Chennai 600041
போன்: 9442525191   
email : ssrajan_bob@yahoo.com

===================================================

.

Advertisements

ரெண்டு!

               

அன்பு வழியும் விழிகள் ரெண்டு

ஆசை பொழியும் விழிகள் ரெண்டு

இன்ப மூட்டும் விழிகள் ரெண்டு

ஈடில்லா விழிகள் ரெண்டு

உண்மை பேசும் விழிகள் ரெண்டு

ஊஞ்சல் ஆடும் விழிகள் ரெண்டு

என்னை ஈர்க்கும் விழிகள் ரெண்டு

ஏக்கம் தீர்க்கும் விழிகள் ரெண்டு

ஐயமில்லா விழிகள் ரெண்டு

ஒற்றிக் கொள்ளும் விழிகள் ரெண்டு

ஓங்கார  விழிகள் ரெண்டு

ஔவை கண்ட விழிகள் ரெண்டு

யார் சொன்னார் உனக்கு விழி பன்னிரண்டு?

முருகா உனக்கு விழி கோடி கோடி  உண்டு !

2014 ல் வெளியான தமிழ்ப் படங்கள்!

image

அம்மோடியோவ்! எத்தனை தமிழ்ப் படங்கள் மூணு மாதத்தில் !

அகடம்   03-01-2014   

என் காதல் புதிது  03-01-2014  

கத்தியைத் தீட்டாதே புத்தியைத் தீட்டு 03-01-2014 

நம்ம கிராமம் 03-01-2014 

ஜில்லா   10-01-2014 

வீரம்  10-01-2014 

கலவரம் 14-01-2014 

விடியும் வரை பேசு 14-01-2014 

கோலி சோடா  24-01-2014

மாலினி 22 பாளையங்கோட்டை  24-01-2014 

நேர் எதிர்  24-01-2014 

இங்கே என்ன சொல்லுது  30-01-2014 

நினைவில் நின்றவள்  31-01-2014 

ரம்மி  31-01-2014 

பண்ணையாரும் பத்மினியும்  07-02-2014 

புலிவால்  07-02-2014 

உ  07-02-2014 

சந்த்ரா  14-02-2014 

இது கதிர்வேலன் காதல் 14-02-2014 

மாதவனும் மலர்விழியும்  14-02-2014 

ரெட்டை கதிர் 14-02-2014 

ஆஹா கல்யாணம்  21-02-2014 

பிரம்மன்  21-02-2014 

வெண்மேகம்  21-02-2014 

அமரா  28-02-2014 

பனி விழும் மலர்வனம்  28-02-2014 

தெகிடி  28-02-2014 

வல்லினம்  28-02-2014 

வெற்றிமாறன் I.P.S 28-02-2014 

என்றென்றும்  07-03-2014 

எதிர் வீச்சு  07-03-2014 

நிமிர்ந்து நில்  07-03-2014 

வீரன் முத்து ராக்கு  07-03-2014 

ஆதியும் அந்தமும் 14-03-2014 

காதல் சொல்ல ஆசை  14-03-2014 

ஒரு மோதல் ஒரு காதல்  14-03-2014 

குக்கூ  21-03-2014 

கேரளா நாட்டிளம் பெண்களுடனே  21-03-2014 

பனி விழும் நிலவு  21-03-2014 

விரட்டு  21-03-2014 

யாசகன் 21-03-2014 

இனம்  28-03-2014 

மறுமுனை  28-03-2014 

நெடுஞ்சாலை 28-03-2014 

ஒரு ஊர்ல  28-03-2014 )=

எப்போதும் வென்றான்  04-04-2014 

மான் கராத்தே  04-04-2014 

ஒரு கன்னியும் மூணு களவாணியும்  04-04-2014 

கூட்டம் 04-04-2014

                   வரப் போகும் படங்கள்!

கோச்சடையான் 

தெனாலிராமன் 

முருகாற்றுப்படை 

நான் சிகப்பு மனிதன் 

வாயை மூடிக் கொண்டு பேசவும் 

ராமானுஜன்

சைவம்

மஞ்சப்பை

வாராயோ  வெண்ணிலாவே

மெல்லிசை

உத்தம வில்லன் 

மாங்காடுப் பாடல்! நான்காம் வாரம்

—————- image———–

நவில்தொறும்   நூல்களைப்  படிக்கணும்  தாயே!
நாவினில்   நின்பெயர்  நிலைக்கணும்   தாயே!
நினைவினில்   நின்னுரு  இருக்கணும்  தாயே!
நீயின்றி  நானில்லை  என்றாகணும் தாயே!
நுங்கினைப்  போலநான்   இனிக்கணும் தாயே!
நூபுர  கங்கைபோல்  பெருகணும் தாயே!
நெஞ்சினில்  ஈரம்  கசியணும்  தாயே!
நேர்மை  வடிவாய் விளங்கணும் தாயே!
நைடதம்  போல்நூல்  படிக்கணும்  தாயே!
நொந்த  மனமது  மாறணும்  தாயே!
நோன்புற்று   வந்தேன்   மாங்காட்டுத்  தாயே!
ஔஷதம்  போலதினம்  உதவணும்  தாயே!
ந்யாயமாய்  இவைதந்து  காத்திடுவாய் நீயே!