Video

சென்னையின் 375 வது பிறந்த நாளுக்கு வாழ்த்துக் கூறி அறிவுரை டிப்ஸ் வழங்கும் கமலஹாசன்!

கமல் கூறியதாவது : 

 

ஒரு கடற்கரை கிராமமாகத் தொடங்கி பல படையெடுப்பிற்குப் பின் ஆங்கிலேயர்கள் தக்க வைத்துக் கொண்ட ஒரு அழகான தீவு சென்னை. இரண்டாற்றங்கரை என்று ஸ்ரீரங்கத்தைச்  சொல்வார்கள். சென்னையும் இரண்டாற்றங்கரை தான். அதற்கு இன்று 375 வயது ஆகியிருக்கிறது. இந்த இளம் தாயை, இரண்டு ஆறுகள் கொண்ட இரண்டாற்றங்கரையை, இரண்டு சாக்கடைகள் கொண்ட நகரமாக்கிய அவப்பெயர் நம் தலைமுறைக்கு உண்டு. இதை மாற்றும் திறமையும் நமக்கு உண்டு. அதைச்  செய்தால் சரித்திரத்தில் நாம் இரண்டு நதிகளை சுத்திகரித்துப் புதுப்பித்த வித்தகர்களாக போற்றப்படுவோம். இல்லையென்றால் இக்காலகட்ட நம் சரித்திரம் நல்ல இரண்டு நதிகளை சாக்கடையாக்கிய ஜனக்கூட்டத்தின் சரித்திரமாக எழுதப்படும். அதை நினைவில் வைத்துக்கொண்டு பெற்றதைக் கொண்டாடுவோம்! கற்றதைப் போற்றுவோம்! பிறந்தநாள் வாழ்த்துக்கள் எனது சென்னைக்கு! 

Advertisements