சரித்திரம் பேசுகிறது (யாரோ)

  நதிகள் மனிதனது ஆதிsarith6க்கத்துக்கும் , வாழ்வின் மேம்பாட்டுக்கும் வித்தானவை.கால வெள்ளமும் நதி வெள்ளமும் பற்பல நாகரிகத்தை நகரங்களை விளைவித்து , பராமரித்து , அழித்து வந்துள்ளது.  சிந்து நதிக்கரையில் கி மு 3000க்கு முன் ஒரு மாபெரும் நாகரிகம் தழைத்து வந்திருக்கிறது. அவற்றுள்
முக்கியமான இரு நகரங்கள் மொகஞ்சாதரோ , ஹாரப்பா.

sarith 4

சென்ற நூற்றாண்டில் தான் இந்த இரு நகரங்களையும் அகழ்வாராய்ச்சியாளர்கள்  அகழ்ந்து எடுத்தார்கள். அதை ஆராய்ந்த சரித்திர ஆசிரியர் ஒருவர் இந்த நகரங்களின் மேன்மையையும் சிறப்பையும் கண்டு, இவை மிகப் பழைய கால நகரமாக இருக்க முடியாது , மிஞ்சிப் போனால் முன்னூறு ஆண்டுகளுக்கு முந்திய நகரங்களாகத் தான் இருக்க முடியும் என்று தவறாகக் கணித்தாராம். அவ்வளவு சீரும் சிறப்பையையும் கொண்ட நகர வாழ்வு 5000 ஆண்டுகளுக்கு முன் இருந்திருக்கும் என்று அவரால் நினைத்துப் பார்க்கவும் முடியவில்லை.

sarith2

ஆனால் உண்மை  தெரியவந்ததும் , அனைவரும் ஆச்சரியத்தின் எல்லைக்கே சென்றனர். அப்படிப்பட்ட நேர்த்தியான திட்டமிட்ட நகரங்கள் இவை.  நேரான  அகலமான சாலைகள் அமைத்து பருத்த சுவர்கள் கொண்டு காக்கப்பட்ட நகரங்கள் – பலம் பொருந்திய சுட்ட செங்கல் வீடுகள் – மூன்று மாடிக் கட்டிடங்கள் –  கழிவு நீர் இணைப்புகளுடன் குளியலறை -கழிப்பறை அமைக்கப்பட்ட வீடுகள்.  பாசனத்திற்கென்று கால்வாய்கள் . கோதுமை பார்லி போன்ற  பயிர் வளர்த்தல், ஆடு மாடுகள்  வளர்த்தல் – இசைக்கருவிகள், பொம்மைகள், விளையாட்டுக் கருவிகள், பானைகள் அனைத்தும் உபயோகத்தில் இருந்தன. மக்கள் சுத்தம் காத்தனர்  என்பதற்கு உதாரணமாக சீப்பு , மருந்து எல்லாம் இருந்ததற்கு ஆதாரங்கள் கிடைத்துள்ளன. பல் வைத்தியர் இருந்திருக்க வேண்டும் ஏனென்றால் துளைக்கப்பட்ட பற்களுடன் கூடிய மனித எலும்புக் கூடுகள் கிடைத்திருக்கின்றன.

இந்த நகரங்களில் வசித்தவர்கள் வெளிநாட்டினருடன் வாணிகம் செய்தார்கள் என்பதற்கு ஆதாரமாக மெசபட்டோமியாவின் நகைகள், நாணயங்கள் இங்கே கிடைத்திருக்கின்றன. ஐம்பது லட்சத்திற்கும் மேற்பட்ட மக்கள் இந்த நகரங்களில் வசித்து வந்திருக்கவேண்டும் என்பதும் நிரூபணமாயிருக்கிறது.

sarith 5

இவை அனைத்தும் 5000 ஆண்டுகளுக்கு முன்னே இருந்தது என்றால் ஆச்சரியம்  இருக்காதா என்ன?

சிறப்பின் செழிப்பாக இருந்த இந்த நகரங்கள் கிமு 1500 -1700 இல் மறைந்து விட்டன என்று சரித்திர ஆசிரியர்கள் சொல்கின்றனர். என்ன ஆயிற்று இந்த நகரங்களுக்கு ? இயற்கையின் பேரழிவோ? பஞ்சம் தாக்கியதோ ? நில நடுக்கமோ? வெளிநாட்டுப் படையெடுப்போ? அல்லது காடுகளை அழித்து, நில வளத்தைக் குலைத்து சுற்றுப்புறச் சூழ்நிலை அழிக்கப்பட்டதால் நகரமே அழிந்து பட்டனவா?  தொடர் சங்கிலி போல் ஏன் இந்த நகரங்கள் நிலை பெற்று நிற்கவில்லை?  இதற்கான விடை கிடைக்கவில்லை.

ஒரு அழகான கனவைப் போல் சிந்து சமவெளி நாகரிகம் அப்படியே மறைந்து போயிற்று. உலகின் பழமையான நாகரிகம் தனது பெருமையைக் கோடிட்டுக் காட்டிவிட்டு அப்படியே காணாமற் போயிற்று.

இந்திய சரித்திரத்தின் முதல் ஏடு இது.

இனி அடுத்த ஏட்டைப் புரட்டுவோம்!! 

சிந்து சமவெளி நாகரிகம் பற்றிய ஒரு வீடியோ ஆவணத்தைப் பாருங்கள் !

 

Advertisements