கங்குல் வரவு ! – தில்லைவேந்தன்

Image result for இயற்கைக் காட்சி ஓவியங்கள்

மேய்வதற்குச் சென்றிருந்த கறவை – இரை
வேண்டுமட்டும் சேகரித்த பறவை – கதிர்
ஓய்வதற்குள் வீடடைய, ஒல்லெனவே போயதற்குள்
ஒடுங்கும் – உள்ளே – இடுங்கும் !

காய்வதனால் இவ்வுலகை அளிப்பான் – வெய்யோன்
கத்துகடல் மூழ்கியுடல் குளிப்பான் – கீழே
பாய்வதனால் வெப்பமது பட்டெனவே சட்டெனவே
பறக்கும் – குளிர் – பிறக்கும் !

செஞ்சுடரை எங்கெங்கும் தேடி – வானில்
சீர்விழிகள் தோன்றுமொரு கோடி – அவை
துஞ்சலின்றித் தேடமதி தூவிளக்காய் நல்லொளியைத்
தூவும் – வந்து – மேவும் !

கொஞ்சமல்ல வெண்ணிலவின் பெருமை – அதைக்
கூறிடவே சொற்கிடைத்தல் அருமை – நம்
நெஞ்சையள்ளும் கங்குலதன் நேரிலாஇக் காட்சியின்பம்
நிலைக்கும் – துன்பம் – தொலைக்கும் !

மங்கையர்கள் தீபவொளி ஏற்றி – மால்
மருகனவன் ஒண்புகழைப் போற்றி – நிறை
கொங்குமலர் சூடிடுவார் கூந்தலிலே, எங்கும் மணம்
கொழிக்கும் – உவகை – செழிக்கும் !

தங்கணவர் வரவைஎதிர் பார்த்தே – எழில்
சாளரத்தை நோக்கிவிழி சேர்த்தே – அவர்
அங்கிங்கும் அலைந்திடுவார், அணிமணிகள் மிலைந்திடுவார்
அசைந்து – நெஞ்சம் – இசைந்து !

 

 

 

இரகசியங்கள் சொல்வதற்கு அல்ல… (3) – ஈஸ்வர்.

Related image

ரமணனுக்குப் பயமாக இருந்தது.   அப்பா பிழைக்கவேண்டும்.  அப்பா போய்விட்டால், அம்மாவை, அக்காவை, தங்கையை என்று வாழ்க்கையை, அவனால் தனியாக சமாளிக்க முடியாது.

     அவனுக்கு மாத்திரம் ஏன் இப்படி ஒரு பித்துக்குளி அம்மா வாய்த்திருக்கவேண்டும்?  கேட்டால் கடைசி தங்கை பிரபாவின் பிரசவம்வரை, அப்பாவும் சரி,  மற்றவர்களும் சரி, தவறாமல் சான்றிதழ் வழங்குகிறார்கள்.

“டெலிவரிம்போது ஏதோ ப்ராப்ளம்டா, ரமணா.!”

“இந்த உலகில் எவ்வளவோ அம்மாக்களுக்கு டெலிவரி ஆகவில்லையா? ஆனால் அவன் அம்மாவுக்கு மட்டும்தான் இந்தப் பிரச்சனையெல்லாம் வரவேண்டுமா?   அவனால் அவன் அம்மாவை , இந்தக் குடும்பத்தை மும்பைக்குக் கூட்டிக்கொண்டு போகமுடியாது. யார் காட்டிய தயவிலோ , அவனே இன்னமும் ‘ஒரு பேயிங் கெஸ்டாகத்தான்’  ஏதோ ஒரு குடும்பத்துடன் ஒரு சிங்கிள் பெட்ரூம் ஃபிளாட்டில் ஒட்டிக்கொண்டு இருக்கிறான். பெரும்பாலான நேரங்களில், பால்கனிதான் அவன் குடியிருப்பு. காலை எட்டு மணிக்குப் புறப்பட்டால், அவன் மீண்டும் பால்கனியைப் பார்க்க இரவு எட்டுமணி, ஒன்பதுமணி ஆகிவிடும். வாரத்தில் ஒரு நாளோ, இரண்டு நாளோ, தென்னகச் சாப்பாட்டிற்காக, கன்சர்னில் சாப்பிடுவதோடு சரி, மற்றப்படி, மின் ரயில் பயணம், ஓட்டம், பஸ் பிடித்தல், … எவ்வளவு சம்பாதித்தாலும் பத்தாத பம்பாய்!

அவன் அப்பாவுக்கு என்ன வேலை என்று அவன் யாரிடமும்  சொன்னதில்லை..  சொல்லிக்கொள்கிறார்போல் ஒரு வேலையிலோ, பதவியிலோ அப்பா என்றைக்குமே இருந்ததில்லை.ஒரு ஆறு மாதம் ஏதாவது சைவ விடுதியில் சரக்கு மாஸ்டராக இருப்பார். பிறகு பார்த்தால் ஒரு ஆறு மாதம் கல்யாண வீடுகளில் இலை வைத்து, தண்ணீர் ஊற்றிக்கொண்டு இருப்பார். திடீரென்று சில காலம், ஏதாவது ஒரு கோயிலில் லட்டு பிடித்துக்கொண்டு இருப்பார்.  இரண்டு வேட்டிகள், இரண்டு துண்டுகளுடன் காலத்தைத் தள்ளும் அப்பா. ஆனால் நல்ல வெள்ளையாக உடுத்துவார். எந்த வேலையிலும் அவரால் நிரந்தரமாக இருக்க முடிந்ததேஇல்லை. குழந்தைகளுடன் சேர்ந்து, ஒரு பித்துக்குளியான மனைவியையும் கவனித்துக் கொள்ளவேண்டிய ஒரு கட்டாய வாழ்க்கை அவர்மீது திணிக்கப்பட்டிருந்ததும் இதற்கு ஒரு காரணமாக இருக்குமா?

அப்பா இவ்வளவு காலம், இவ்வளவுபேரை எப்படிக் காப்பாற்றினார்? அதுவே ரமணனுக்குப் புரியாத புதிர்.  பெண் குழந்தைகளுக்குச் சமயத்தில் தீபாவளிக்குக்கூட , தாவணி வாங்கமுடியாத காலங்கள் உண்டு. பித்துக்குளி அம்மாவின் வைத்தியச் செலவு, மருந்துச் செலவு, ஆட்டோ செலவு..  இதைத் தவிர அவன் குடும்பம் எதைத்தான் கண்டது?

பம்பாய், மும்பையான சில வருடங்களுக்கு முன்னரே, ரமணனுக்கு அங்கு வேலை கிடைத்தது. அக்காவுக்கு கல்யாணம் என்று நிச்சயம் ஆன தருணம். இது என்ன சோதனை? அவன் மும்பையில் இருந்து ஓடி வரவேண்டி இருந்தது.

அப்பா இன்டென்சிவ்கேர் யூனிட்டில்.

                           ……………..

ஏதோ தற்செயலாக மேஜையின் மேலிருந்த அந்தக் கல்கி இதழைப் புரட்டிய மணிக்கு, அந்தக் கம்ப்யுட்டர் காகிதம் முதலில் லேசான ஒரு நெருடலாகத்தான் இருந்தது. அது ஒரு பாங்க் பாஸ் ஷீட். மாதாந்திர ஸ்டேட்மென்ட்.  அதாவது பாங்க் பாஸ் புத்தகம்போல. வங்கிகள் எல்லாம் கணிப்பொறிமயமாக்கப்பட்ட பின்னர், மாதா மாதம், அவர்களின் வங்கிக் கணக்குவழக்குகளை சரிபார்த்துக்கொள்ள வழங்கப்படும் அக்கௌன்ட்ஸ் ஸ்டேட்மென்ட்.  கொஞ்சம் கசங்கலாக இருந்தது. அதையே வெறித்துப் பார்க்கும் மணியின் மூளையில் ஏதோ ஒரு பொறி.

                       …………………..  

Related image    போஸ்ட்மார்ட்டம் ரிப்போர்ட் தயாராகிக் கொண்டிருந்தசமயம். பாலக்காட்டுப் பாட்டியின் சார்ட்டர்ட் அக்கௌன்டன்ட் பிள்ளை, துபாயில் இருந்து வந்துவிட்டான்.  மல்ஹோத்ராவிடம் விசிட்டிங் கார்ட் கொடுத்துவிட்டு வருத்தமாக நின்றான்.  மல்ஹோத்ரா, மணியை அறிமுகம் செய்துவைக்க , கிட்டத்தட்ட அழும் நிலைக்கே வந்துவிட்டான்.  அவன் பெயர் அனந்தகிருஷ்ணன்.

       “அம்மா ரொம்ப ஆச்சாரம் சார். பாலக்காட்டுலேர்ந்து , பம்பாய்க்குக் கூட்டிக்கிட்டு வரவே ரொம்பக் கஷ்டப்பட்டேன். துபாய்க்கு நான் போனப்புறம் ஒரே ஒரு தடவை வந்தா.இனிமே வர மாட்டேன்னுட்டா. கடல் கடந்ததே பிடிக்கலை.  இங்கே மாதுங்கா ரொம்ப பிடிச்சுப்போச்சு.   சங்கரமடம்,  மகாலட்சுமி கோயில்னு ஏனோ ஒரு ஒட்டுதல். தனியாகவே இருந்தா. எவ்வளவு பணம் அனுப்பி என்ன பிரயோஜனம்?  கூட நான் இங்க இருந்திருந்தா இதெல்லாம் நடந்திருக்குமா ?  யார் சார் அந்த ராஸ்கல்?”

        “தேடிக்கிட்டிருக்கோம். உங்க ஒத்துழைப்பு தேவை.”

        “என்ன செய்யணம்?, சொல்லுங்க”

        “ ஒரு கண்டோலன்ஸ் ரெஜிஸ்டர் போட்டிருக்கோம். துக்கம் விசாரிக்க வரவங்ககிட்ட ஒரு கையெழுத்து வாங்கிக்கணம்.”

         “ஏன் சார், கொலைசெஞ்சவன்,  துக்கம் விசாரிக்கவும் வருவான்னு எதிர்பார்க்கறீங்களா?  வாட் இஸ் திஸ் நான்சென்ஸ்?”

         “மிஸ்டர், ஆனந்த், ப்ளீஸ். இது ஒரு நெருடலான கேஸா போருக்கு.  எங்களுக்கு ஏதாவது ஒரு  சின்ன  நுனி கிடைக்கணம்.  கிடைக்கும்.  யூ ஆர் வெல் எஜுகேட்டட்.  எங்க நிலையைப் புரிஞ்சுக்கோங்க.  உங்க ஒத்துழைப்பு முழுக்க முழுக்கத் தேவை”

         “ஓகே.  கோ அஹெட்….. யாரும் இன்சல்ட்டிங்கா ஃபீல் பண்ணாம பார்த்துக்குங்க. மை மதர் வாஸ் ஆ ஜெம் ஆஃப் எ வுமன். அவளை கடைசியாகப் பார்க்கவரவங்க மனசு  நோகறாமாதிரி எதுவும்  ஆயிடக்கூடாது.”

         “ நிச்சயமா, ஆகாது.”

         “ அப்படியானா, சரி.”

         “ அது மாத்திரம் இல்லை, மிஸ்டர்  அனந்து.  எல்லாம் முடிஞ்சு, நீங்க ஊருக்குப் போறதுக்கு முன்னாடி, நீங்க கொஞ்சம் எங்களை வந்துபார்க்கணும்.   கூடவே உங்க அம்மாவுக்கு எதிரிங்கன்னு யாராவது இருக்காங்களான்னு செக் பண்ணுங்க”

         “எழுபது வயசுல எதிரியா?” – அனந்து சிரித்தான். 

         யாரோ வர, நகர்ந்தான்.

( ஸஸ்பென்ஸ் தொடரும் )

            

பவனி வருகிறார் பாரதி – படமும் பாடலும் சு ரவி

 

 

 

 

 

 

 

பவனி வரார் எங்க கவிஞர்
பவனி வருகிறார்- ஜதி
பல்லக்கிலே பாரதியார்
பவனி வருகிறார்
புவனமெலாம் புலமையினால்
புரட்டிப் போட்டவன்
புதிய கவிதைத் தீயையேற்றிப்
புலரவைத்தவன் (பவனி)

கவலையின்றிக் கண்ணம்மாவைக்
காதலித்தவன்-மஹா
காளியிடம் பக்தியினால்
பேதலித்தவன்
தவமிருந்த தமிழ்த்தாயின்
வயிற்றுதித்தவன்
தனக்குவமை யாருமின்றித்
தனித்திருப்பவன் (பவனி)

முண்டாசும் கோட்டும் போட்டு
பவனிவருகிறான்
முறுக்குமீசை மிடுக்குமாகப்
பவனிவருகிறான்
செண்டுகளும் மாலையுமாய்ப்
பவனிவருகிறான்
ஜெயகோஷம் முழங்கிடவே
பவனிவருகிறான் (பவனி)

பாவலரும் காவலரும்
சூழவருகிறான்
பாடல், வாத்யம், நாட்டியங்கள்
பரிசு வரிசைகள்
ஆவலோடு ஏந்தி அன்பர்
ஆரவாரமாய்
பாரதிரும் ஜயபேரிகை
கொட்டி முழங்க (பவனி)

பல்லக்கிலே பகலவனைப்
பார்த்ததும் உண்டோ
பக்தர் தோளில் சூரியனைச்
சுமப்பதும் உண்டோ
எல்லோரும் பார்த்திடவே
அல்லிக்கேணியில்
எங்கள் தோளில் எழுந்தருளி
பவனி வருகிறான் (பவனி)

குவியம்

ஈழத்திலிருந்து கனடாவுக்குப் புலம் பெயர்ந்த தமிழ் எழுத்தாளர் பொன் குலேந்திரன்  அவர்கள்.

தொலை தொடர்புத் துறையில்  (Telecommunication) சிரேஷ்ட பொறியியலாளராக இலங்கை, ஓமான், துபாய், அபுதாபி, சார்ஜா, லண்டன், அமெரிக்கா, ஒன்டாரியோ, கனடா ஆகிய நாடுகளில் தொழில்புரிந்தவர். ஒன்டாரியோ மிசிசாகா நகரில் உள்ள பீல் முதுதமிழர் சங்கத்தின் தலைவராக நான்கு வருடங்கள் இருந்து சமூகசேவை செய்தவர். இப்போதும் சங்கத்துக்கு  உதவி வருகிறார். பத்து வயதில் எழுதத் தொடங்கியவர். இரு மொழி எழுத்தாளர். இவரது நூல்களை Amazon.com. இல் பார்க்கலாம்  

சமீபத்தில் , மதுரை காமராஜர் பல்கலைக்கழகமும் மலேசியத் தமிழ் மன்றமும் இணைந்து நடத்திய உலகளாவிய சிறுகதைப் போட்டியில் இவரது ‘முடிவு’ என்ற கதைக்கு மூன்றாம் பரிசு கிடைத்துள்ளது. போட்டிக்கென்று  வந்த 440  கதைகளில் இவரது கதை மூன்றாம் பரிசு பெற்றது மிகவும் சிறப்பு வாய்ந்ததாகும்.

இப்பெருமை கனடா வாழ் முதுதமிழர்களைப் போய்ச்சேரும்.

இக்கதை கல்வி தரப்படுத்தல் சட்டத்தால் பாதிக்கப்பட்ட தமிழ் ஈழ மாணவன் ஒருவனைப் பற்றியது.

இவரது இணையதளம்: 

 குவியம்கனடா.காம். ( KuviyamCanada.con) 

இவரது  “காலம் ” என்ற 20 அறிவியல் சிறுகதைகள் தொகுப்பு டிசம்பரில் ஓவியா பதிப்பகம் வெளியிடுகிறது

இது தவிர “முதியோர் முத்துக்கள் முப்பது”  என்ற சிறு கதைகள் தொகுப்பு ஒன்றைத் தயாரித்துக்கொண்டிருக்கிறார். பல நாடுகளில் இருந்து  முதியஎழுத்தாளர்கள்  எழுதிய  சிறுகதைகள் கொண்டது. 

அதன் விவரம் :

தமிழ் இலக்கியம் எல்லா வயதினருக்கும் பொதுவானது. குழைந்தைகள் இலக்கியம், காதல் இலக்கியம், அறிவியல்,  வரலாறு, அரசியல், குடும்பம் போன்று பல பார்வைகளில் படைப்பாளிகள் எழுதுவார்கள். முதியோரின் பிரச்சனைகள் பல. தனிமை,  அல்செய்மார் என்ற மறதி நோய் போன்று பலவித மனவியாதிகள், முதுமையில் கணவன் மனைவி உறவு, பழைய பழக்க வழக்கத்தில்  இருந்து மாறாமை, பிடிவாதம், எதிர்பார்ப்பு.. மருந்து  குளுசைகளை நம்பி வாழ்பவர்கள்,  தலைமுறை இடைவெளி. சிலர் இறுதிக் காலத்தில் கவனிக்க ஒருவரும் இல்லாத காரணத்தால் முதியோர் இல்லத்தைத் தஞ்சம் அடைகிறார்கள்.

பல முதியோர்கள் கடந்த காலத்தில் தாம் வகித்த பதவி, பிறருக்குச் செய்தஉதவி, தமக்குக் கிடைத்த பேரும், புகழும்பற்றிப் பேசுவதில் இன்பம் காண்பார்கள்.  ஒரு  காலத்தில் விளயாட்டு வீரராக  இருந்தவர் முதுமையின்போது  கைக்கோலையும், நாற்சக்கர வண்டியையும் நம்பி   வாழவேண்டிய நிலை போன்ற பலவிடயங்களை  வைத்து சுவையான கதைகள்’ அடங்கியது  இத் தொகுப்பு

பல முதியோருக்கு எழுதும் திறமை இருந்தும்,  இனி என்ன எழுதிக் கிழிக்கப்போகிறோம் என்று  எழுதுவதை நிறுத்திவிடுவார்கள்.  உடலில் உள்ள வியாதியை மறக்க, வாசிப்பும் எழுதுவதும் பகிர்வதும்  ஒருவகை தியானமாகும். இந்தக் கதைக்கொத்தில் பலநாடுகளில் இருந்து முதியவர்கள் உருவாக்கிய சுவையான சிறுகதைகளைச் சேர்த்து, நான் எழுதிய முத்துக்களோடு கோத்து முதியோர் உருவாக்கிய முத்த மாலையாக  உங்கள் பார்வைக்கு  சமர்ப்பிக்கிறேன்.  சாதனை படைத்த நான்கு முதியவர்களின் கதைகள் இத்தொகுப்பில் உண்டு  

இதில் வரும் நிதி ஒரு முதியோர் சங்கத்தின் நூலகத்தின் விருத்திக்குப் பாவிக்கப்படும். உங்கள் ஆதரவை எதிர்பார்க்கும்

 – ஒரு முதிய தமிழன் , ஒன்டாறியோ கனடா

    

 

 

இலக்கியப்பெட்டி

இலக்கியப் பெட்டி

குறும்பட இயக்குனரும் சிறந்த இலக்கியவாசகருமான பவித்ரன் இலக்கியப்பெட்டி என்ற இணைய காணொளித்தொடர் ஒன்றைப்  பகிர்ந்துவருகிறார்.

இதன் மூலம் சிறந்த புத்தங்களைத் தேர்வுசெய்து அறிமுகப்படுத்துகிறார்.  எஸ் ரா அவர்களின் நாவல் மற்றும் கட்டுரைத்தொகுப்பைச்  சிறப்பாக அறிமுகம் செய்திருக்கிறார்.

 

இலக்கியப் பெட்டி                      (Literature Box )

பதின் – எஸ். ராமகிருஷ்ணன் (paththin – S Ramakrishnan)

https://youtu.be/IBYY16N3RxE

நிலவழி – எஸ். ராமகிருஷ்ணன்; இந்திய இலக்கிய ஆளுமைகள்

சென்னைப் புத்தகக் காட்சி – ஜனவரி 10-22 , 2018

2016இல் Rs.15 கோடிக்கும் மேல் புத்தக விற்பனை!   

2017இல் Rs.18 கோடிக்கும் மேல்  விற்பனை! 

வருகிறது 2018! 

புத்தக ஆர்வலர்களே ! திரண்டு  வாருங்கள்! 

இலக்கிய சிந்தனை + குவிகம் இலக்கியவாசல் நிகழ்வு

இலக்கிய சிந்தனையின் 571வது நிகழ்வு

பேசுபவர்: திரு எம். நித்தியானந்தம் 

தலைப்பு: பாடல் பெற்ற தலங்கள் 

காலம்   :  சனிக்கிழமை, டிசம்பர் 30, 2017 மாலை 6 மணிக்கு 

இடம்    : ஸ்ரீனிவாச காந்தி நிலையம், அம்புஜம்மாள் தெரு,                   

                 ஆழ்வார்பேட்டை சென்னை 18

குவிகம்  இலக்கியவாசலின் 33 வது நிகழ்வு

யாரோ’ எழுதிய “சரித்திரம் பேசுகிறது” நூல் வெளியீடு 

காலம்   :  சனிக்கிழமை, டிசம்பர் 30, 2017 மாலை 7  மணிக்கு 

இடம்    : ஸ்ரீனிவாச காந்தி நிலையம், அம்புஜம்மாள் தெரு,                   

                 ஆழ்வார்பேட்டை சென்னை 18

தலையங்கம்

Image result for ஓலைச்சுவடிகள்

Image result for jayalalitha sasikala dinakaran

Image result for r k nagar election candidates

Image result for stalin modi

தமிழக முன்னாள் முதல்வர் ஜெயலலிதா மறைந்ததால் அவர் வென்ற ஆர் கே நகர் தொகுதிக்கு இடைத்தேர்தல் !

அவர் மறைந்து ஒரு வருடம்  கழித்து நடக்கப்போகும் தேர்தல் !

இந்த ஒரு வருடத்தில்தான் தமிழ் அரசியல் வானில் எத்தனை எத்தனை மாறுதல்கள் ! 

  • சசிகலா முதல்வராகத்  துணிதல், பின்னர் அவர் சிறைக்குச் செல்லல்
  • பன்னீர்செல்வம்  தனித்து இயங்கல்,
  • எடப்பாடி பழனிச்சாமி முதல்வராதல் ,
  • தினகரன்  ஆர் கே நகரில் போட்டியிடுதல், பின்னர் அவரும் லஞ்ச வழக்கில் சிறைசென்று ஜாமீனில் வருதல் ,
  • சின்னம்மா என்றுகூறிய சட்டமன்ற உறுப்பினர்கள் சசிகலா – தினகரனை உதறுதல்,  
  • இபிஎஸ்ஸும்  ஓ பி எஸ்ஸும் இணைதல்,  அவர்களுக்கே இரட்டை இலைச்  சின்னம் கிடைத்தல்,  
  • அரசு இயந்திரம் தள்ளாடித் தள்ளாடிச் செல்லல்,
  • ஜெயலலிதாவின் மரணம்பற்றிய விசாரணக் கமிஷன்  அமைத்தல் ,
  • மோடி-கருணாநிதி சந்திப்பு 
  • எல்லாவற்றிற்கும் பின்னால் நிற்கும் பி ஜே பியின் அரசியல் சதுரங்க ஆட்டம்,
  • ஆட்சியைப் பிடிக்கத் தவிக்கும் தி மு கவின் ஆசைத் துடிப்பு
  • என்ன செய்வது என்று புரியாமல் தவிக்கும் மற்ற எதிர்க்கட்சிகளின் தடுமாற்றம்,

இவை எல்லாம் கலந்த  மேகமூட்டம்தான்  இன்றையத்  தமிழக அரசியல் வானம்!

இந்தச் சூழ்நிலையில் டிசம்பர் 21 இல்  ஆர் கே நகரில் இடைத் தேர்தல் வருகிறது.   

தேர்தல் என்றாலே தமிழகத்தில் பணமழை என்பது நிரூபிக்கப்பட்ட காட்சி!

பலர் நோட்டு வாங்கிக் குத்தலாம்  ! சிலர் நோட்டாவில் குத்தலாம் !       சிலர் முதுகில் குத்தலாம்! சிலர் மாறுதலுக்காகக் குத்தலாம் ! சிலர் கொள்கையோடு குத்தலாம்! சிலர்  கொள்கையின்றிக் குத்தலாம்! சிலர் குத்தாமலே ஓடலாம்!   

என்ன ஆனாலும் தமிழக வாக்காளர்கள் புத்திசாலிகள் !

அவர்கள் என்ன செய்யப்போகிறார்கள்? 

பொதுத்தேர்தலுக்கு இது ஒரு பானைப்பதமாக இருக்கும் ! 

காத்திருப்போம்! 

கடைசிப்பக்கம் – டாக்டர் ஜெ.பாஸ்கரன்..

dr1

 

பாக்கியம் ராமசாமி என்கிற ஜ ரா சுந்தரேசன்

Image result for ஜ ரா சுந்தரேசன்

டாக்டர் பாஸ்கர் இருக்கிறார்……………  

கோடானு கோடி வாசகர்களைத் தன் நகைச்சுவை எழுத்துக்களால் மகிழ்வித்துவந்த பாக்கியம் ராமசாமி என்கிற ஜ.ரா.சுந்தரேசன், தனது எண்பத்தி ஏழாவது வயதில் மறைந்தார்.

சேலம் ஜலகண்டாபுரத்தில் பாக்கியம் – ராமசாமி தம்பதிகளுக்கு செப் 1930ல் பிறந்தவர், தனது இறுதி மூச்சுவரை  தன் நகைச்சுவை எழுத்துக்களால் மகிழ்வித்தவர்..

ஜ.ரா.சுந்தரேசன் என்ற இயற்பெயரில் சீரியஸ் விஷயங்களையும், பாக்கியம் ராமசாமி (தன் தாய் தந்தை பெயர்கள்!)என்ற புனைப்பெயரில் ஹாஸ்யம் நிறைந்த கதை, கட்டுரைகளையும் எழுதுவார். இறுதி மூச்சுவரை நகைச்சுவையே வாழ்க்கை முறையாகக்கொண்டு வாழ்ந்தார் என்றால் அது சிறிதும் மிகையே அல்ல. எப்போதும் சிரிப்பு, ஹாஸ்யம், மகிழ்ச்சிதான் – அவருக்கும், அவரைச் சுற்றியுள்ளவர்களுக்கும்!

குமுதம் பத்திரிகையில் 37 ஆண்டுகள் துணை ஆசிரியர் பணி.(அதற்கு முன்பு தமிழ்வாணன் அவர்களின் கல்கண்டு பத்திரிகையில் வேலை என்பது உபரிச்செய்தி!). இரண்டாயிரத்துக்கும் மேற்பட்ட கதைகள், சுமார் 30 நாவல்கள், கட்டுரைகள் என எழுதிக் குவித்துள்ளார்!

இன்றளவும் நம்மிடையே உயிர்ப்புடன் உலவிவரும் அப்புசாமி – சீதாப்பாட்டி 1963 ஆம் வருடம் குமுதத்தில் முதன்முதலில் தோன்றினர். அவர்கள் உருவானதே ஒரு சுவாரஸ்யமான கதை!

அந்த வாரக் கதை எழுதாததற்கு வீட்டில் நடந்த  ஒரு சண்டையைக் காரணமாகச் சொன்னார் ஜராசு. குமுதம் ஆசிரியர் உடனே அதையே  ஒரு கதையாக எழுதச்சொல்கிறார்! வயதான தாத்தாவும் பாட்டியும் சண்டை போடுவதாகக் கதை எழுதச்சொல்கிறார் – தாத்தா அசடு கேரக்டராகவும், (பொடி போடுவது, மெட்ராஸ் தமிழ் பேசுவது, நண்பர்களுடன் பட்டம் விடுவது எல்லாம் பின்னால் வந்து ஒட்டிக்கொண்ட ரகளைகள்!) பாட்டி ஆங்கிலம் பேசும், ரீடர்ஸ் டைஜஸ்ட் படிக்கும் மாடர்ன் கேரக்டராகவும் அமைக்க முடிவு செய்கின்றார் ஜராசு! பாட்டிகள் முன்னேற்றக் கழகம், போட்டிகள், விரோதங்கள் என விரிவடைந்து, எப்போதும் பாட்டியே தாத்தாவை வெற்றிகொள்வதாக அமைந்த அத்தனை கதைகளும், நாவல்களும் மறக்கமுடியாத நகைச்சுவை விருந்துகள்!. முதல் கதை 1963 ஆம் ஆண்டு குமுதத்தில் வெளியானது – இன்றும், 54 வருடங்களுக்குப் பிறகு, அந்த தாத்தா, பாட்டி எலியும் பூனையுமாக ரகளையடித்து வருவது பாக்கியம்  சார் தமிழ் நகைச்சுவை இலக்கியத்துக்குக் கொடுத்துள்ள பெரும் கொடையாகும்.

பாக்கியம் சார் எழுதுகிறார்: “அப்புசாமி சீதாப்பாட்டி கதாபாத்திரங்களுக்கு இன்றைய தேதியில் 42 வருடம் (இன்று 54 வருடம்!) ஆகிறது. அதாவது 42 வருடங்களாக அந்த இரு பாத்திரங்களும், அவர்களது பட்டாளமும் என் கட்டுப்பாட்டுடனோ, கட்டுப்பாடு இல்லாமலோ தமிழகத்தில் கொட்டமடித்து வருகிறார்கள். தமிழ் கூறும் நல்லுலகம் கோமாளி அப்புசாமியை மன்னித்து, விரும்பி, ரசித்து ஆதரித்து வருகிறார்கள்”

பக்கத்து வீட்டில் அகாலத்தில் கதவுதட்டும் அப்பு சாஸ்திரியின்மீது மகா எரிச்சல்  – அவரது பெயரையே தாத்தாவுக்கு வைத்ததாகச் சொல்கிறார் பா.ரா.  பாட்டிக்கு சீதாலட்சுமி என்றும் பெயர் வைக்கிறார். பின்னர் ஆசிரியர் சொன்னதன் பேரில், அப்புசாமி, சீதாப்பாட்டி நாமகரணம் நடக்கிறது – தமிழ்நாட்டில் மிகவும் பிரபலமான நகைச்சுவைத் தம்பதிகள் இவர்களாகத்தான் இருக்க முடியும்!!

அப்புசாமியும் ஆப்பிரிக்க அழகியும், 1001 அப்புசாமி இரவுகள், மாணவர் தலைவர் அப்புசாமி (தொடர்களாக வந்தவை ), பீரோவுக்குப் பின்னால், நானா போனதும், தானா வந்ததும், தேடினால் தெரியும் (கட்டுரைகள்) மற்றும் பல சிறுகதைத் தொகுப்புகள் மிகவும் சுவாரஸ்யமானவை!

இரண்டு ரிக்‌ஷாக்காரர்கள் மெட்ராஸ் பாஷையில் பேசிக்கொல்வதுபோல் எழுதிய பகவத் கீதை, “பாமரகீதை” – மிக எளிமையாக, எல்லோருக்கும் புரியும்படி சிறப்பாய் எழுதியிருப்பார்.

ஒரு வீணை மேஸ்ட்ரோவின் கதையை, ஃப்ளூட் ரமணி சொல்ல, அதைக் கதையாக எழுதினாராம் ஜராசு, திரு சாருகேசி சொல்கிறார்.

’சுதாங்கன்’ என்ற புனைப்பெயரைச் சூட்டியதே ஜராசு சார்தான் என்கிறார் ரங்கராஜன் என்கிற சுதாங்கன்!

இவரது ’ஞானத் தேடல்’ சுவாரஸ்யமானது – சீரியசானது. தேவன் அவர்கள் இறந்தபோது, ‘இனி என்ன இருக்கிறது?’ என்ற விரக்தியில், குருவாயூர்சென்று, சன்னியாசியாக அலைந்து திரிந்ததை, நகைச்சுவை கலந்துசொல்வார் – “தேடினால் தெரியும்” புத்தகம் படித்துத் தெரிந்துகொள்ளலாம், பசியும், வியாதியஸ்தர் கூட்டத்தில் இரவும், பசி மயக்கத்தில் உறங்கி, விழித்தபோது சுற்றிலும் சில்லறைக் காசுகள் இவரைப் பிச்சைக்காரனாக்கியதும் – இவரது நகைச்சுவைக்குப்பின் ஒளிர்ந்து கொண்டிருக்கும் ’ஞானத் தேடலை நமக்குத் தெரிவிக்கும்!

ஒர் அருமையான மனிதரை, நகைச்சுவைச் சக்கரவர்த்தியை இழந்து நிற்கிறது தமிழ் கூறும் நல்லுலகம். அவர் ஆன்மா இறை நிழலில் இளைப்பாற வேண்டுகிறேன்.