உங்கள் ஒ டி பியை ஏன் பகிரங்கப்படுத்துகிறீர்கள். – ரவி சுப்பிரமணியன்

10 tips to handle Social Media Addiction - Martin Shervington

ஒருவகை அதீத சுயமோகம்
மனக்கோளாறு
மின்னணு நார்சிஸம்
அளவுக்கு மிஞ்சினால் 
எதுவும் ஆலகாலம் 
இதெல்லாம்
உங்களுக்கு தெரியாததா
புதிதாய் மணமானவர்கள்
சதா அதே நினைப்பாயிருப்பது போலிருந்து ஏன் இப்படி 
வெறிஎடுத்துப் பதிகிறீர்கள்
பொதுவெளியில்
பால் பேதமின்றி
எதற்காக ரெஸ்ட் ரூம் வரை நீள்கின்றன
உங்கள் தற்பட ஆசைகள்
தற்கொலைக்கு 
முந்தைய கணத்தைப் பதிவிட்டு
அமரத்துவ ஆசையோடு மரிக்கிறான் ஒருவன்
இரு சக்கர வாகனத்தில் நின்றபடி
படமெடுத்து சாகிறான் 
ஒரு சாகஸன்
முகம் மறைத்து
உறுப்புகளை மட்டும்
முன் வைக்கிறாள் ஒருத்தி
சினிமா வாய்ப்புக்காய் ஒளிவுமறைவின்றி
டிக்டாக்குவதாய் சொல்கிறாள்
இன்னொருத்தி
எங்கெங்கு காணிணும் கட்செவியடா
அங்கங்கு நிறைவது காணொளிக் கர்மமடா
எல்லோர் முதுகுகளுக்குப்பின்னும்
கேமிராக்களிருப்பது போதாதென்றா
சொந்த செலவில் 
இந்தச் சூன்யம்
அந்தரத்தில் தொங்கும்
நாக்குகளுக்காவா 
இந்தத் தேன் உற்பத்தி
வெற்று சைபர் (வெளிக்கு) முன்
ஏன் இத்தனை ட்ரில்லியன் இலக்கங்கள்
விருப்பக்குறிகளுக்கும்
பின்னூட்டங்களுக்குமாக
அடிமைகள்
சொறிந்துகொள்ளும் முட்களால்
வலி தோய்ந்த ரத்தமும்
நடுநடுங்கி நனைக்கும் கண்ணீரும்
சர்வதேச ‘மார்க் மாமாக்களின்’ இணைக்கும் வியாபாரத்துக்காவா
பிறப்பெடுத்திருக்கிறோம்
வாசிப்பும் புரிதலும் தெளிதலுமில்லா
விபரீத மூட்டத்தில்
யாரது மாய கரங்களில் நாம்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.