குட்டீஸ் லூட்டீஸ்: வலி மீட்பு ஜெல்
நானும், மகள் மிதிலாவும் டி.வி. பார்த்துக் கொண்டிருந்தோம். விளம்பரங்கள் ஓடிக் கொண்டிருந்தன.
விளம்பரப் படங்களைப் பார்த்துக் கொண்டிருந்தவள் திடீரென்று, ‘ஏன்பா..வலி மீட்பு ஜெல்னு
விளம்பரப் படுத்தறாங்களே… அந்த ஜெல்லை, வலி வந்து குணமான மூட்டுலே தடவினா, எகெய்ன்
அந்த மூட்டுலே வலி வந்துடுமோ..?’ என்றாளே பார்க்கலாம்.
அந்த விளம்பரத்தையும், அவளையும் பார்த்து அயர்ந்து உட்கார்ந்திருந்தேன்.
அதுவும் சரிதானே..!
— சிவமால்
—————————————————————————————————————–
கொஞ்சம் சிரித்து வையுங்க பாஸ்:
ஸ்பெஷல் ப்ளாக்
புதிதாகக் கட்டப்பட்டிருந்த அந்த ப்ரும்மாண்டமான காம்ப்ளக்ஸை வியப்போடு
சுற்றிப் பார்த்துக் கொண்டிருந்தோம். ப்ரும்மாண்ட காம்ப்ளக்ஸை ‘எ’, ‘பி’ ‘ஸி, ‘டி’ன்னு
பிரித்திருந்தார்கள். ‘எ’. ‘பி’ ‘ஸி’ ப்ளாக்ஸைச் சுற்றி முடித்திருந்தவர்கள், ‘டி’ ப்ளாக்
கிற்கு வந்தோம்.
‘ஏன் ஸார்.. இங்க்லீஷ்லே நல்ல புலமை இருக்குன்னு காட்ட வேண்டியதுதான்.. அதற்காக
இப்படியா.. அந்த போர்டைப் பாருங்க..’ என்று ‘டி’ ப்ளாக் என்ட்ரன்ஸில் இருந்த போர்டைச்
சுட்டிக்காட்டினார் எங்கள் க்ரூப்பில் வந்த ஒருவர்.
ஸ்பெஷல் ப்ளாக்
டுபாக்கோ ஃப்ரீ
ஆல்கஹால் ஃப்ரீ
நான்விஜிடேரியன் ஃப்ரீ
ஸ்பெஷல் ‘டி’ ப்ளாக்’
என்று எழுதி இருந்தது. அழகா ஸிம்பிளா ‘ நோ ஸ்மோக்கிங்., ‘நோ ஆல்கஹால்’
‘நோ நான்விஜிடேரியன்’னு எழுதி இருக்கலாம். அதை விட்டுவிட்டு இங்க்லீஷ் புலமையைக்
காட்டறேன்னு இப்படி எழுதி இருக்காங்க… இதைப் படித்தா இந்த ப்ளாக்லே இதெல்லாம்
ஃப்ரீயா கிடைக்கும்னு சொல்ற மாதிரி இல்லே இருக்கு’ என்று சிரித்தார்.
பார்வையாளர்கள் மத்தியில் எழுந்த சிரிப்பலை அடங்க வெகு நேரமாயிற்று.
–சிவமால்.
குவிகம் மின்னிதழ் (மாத இதழ்) 