மார்ச்  2014 

                         பூ : ஒன்று ———————- இதழ் : நான்கு 

இ -பத்திகையின் சிறப்பு ஆடியோவும்  வீ டியோவும் தான்! சாதாரண  பத்திகைகளில் இதை அனுபவிக்க முடியாது.

இந்த இதழில் இடம் பெற்றுள்ள கோச்சடையான் படத்தின் டிரைலர் லிங்க்கும் , 108 அம்மன் போற்றிப் பாடலும் , Happy Song ம், Twinkle Twinkle little star – நர்சரி  ரைமும் ஆடியோவாக உங்களை அசத்தப் போகிறது!

மேலும் இது ஹோலியின் வருகையை வரவேற்கும் இதழ்!வண்ணங்களின்  மெருகும் கலந்து நிறைந்து இருக்கும்!

ஒரு கவிதை போட்டியும்  இருக்கிறது!

ஒரு பக்கக் கதைகள் , ஜோக்குகள், கவிதைகள்  ஆகியவைகளும் பரந்து காணப்படுகின்றன. 

படிப்பவர்கள் தங்கள் கருத்தையும் படைப்புகளையும்  கீழே குறிப்பிட்டுள்ள இ -மெயிலுக்கு  அனுப்புங்கள்! பிரசுரிக்கப்படும்!

=======================================================

Editor and Publisher’s office address:

S.Sundararajan
B-1, Anand Flats,
50 L B Road, Thiruvanmiyur
Chennai 600041
போன்: 9442525191   
email : ssrajan_bob@yahoo.com

========================================================

அரசியல் ரம்மி 

பாராளுமன்றத்திற்குத் தேர்தல் வரப்போகிறது என்பது அனைவருக்கும் தெரிந்தது தான்!

எத்தனை கருத்துக் கணிப்புகள்!

மோடி அலை வீசுகிறதா? ஆம் ஆத்மி வலை வீசுகிறதா? காங்கிரஸ் விலை பேசுகிறதா? 

பி ஜே பிக்கு இது அருமையான சந்தர்ப்பம்! கருத்துக் கணிப்புக்கு ஊடே அதன் வெற்றி மாலை தெரிகிறது! மோடி பிரதமராவதும் உறுதியாகத் தெரிகிறது!

தமிழ் நாட்டில் சீட்டுக் கட்டில் ரம்மி செட் சேர்ப்பது போலே கட்சிகள் ஒட்டிக் கொள்கின்றன! இந்த ஆட்டம் முடியும் வரை அவர்கள் ஒட்டி உறவாடுவார்கள்! அடுத்த ஆட்டத்தில் செட் மாறும்!

• தைரியமாக  பிரதமர் கனவில் ஜெயலலிதா தனி அணி- நாற்பதும் எனக்கே என்று.
• பி ஜே பி , விஜயகாந்த் , வை கோ , ராமதாஸ் ஒரே அணியில் சண்டை .போட்டுக்  கொள்கிறார்கள்!
• தி மு க விற்கு கூட்டணி என்று சொல்லிக் கொள்ள சில கட்சிகள்  உள்ளன!
• ஆனால் கம்யூனிஸ்டும் காங்கிரஸும் மட்டும் பாவம் தனித் தனி!
• தேர்தல் நெருங்க நெருங்க இந்த ரம்மியில் கொஞ்சம் மாறுதல் ஏற்படலாம்!
• சில ஜோக்கர்கள்  ரம்மிக்கு கை கொடுக்கலாம். 
• தேர்தலுக்குப் பிறகு புது செட் அமைந்தாலும்  அமையலாம்!

நமது வாக்காளர்கள் எப்பவும் புத்திசாலிகள்!

இந்திராகாந்தியின் எமர்ஜென்சியை தூக்கி எறிந்து ஜனதாவைக் கொண்டு வந்தார்கள்!ஜனதா கிச்சடி ஆனதும் அதைத் தூக்கி அடித்து  மீண்டும் இந்திராவைக் கொண்டு வந்தார்கள். ராஜீவ் காந்தியை எதிர்க்கட்சியில் உட்கார வைத்தார்கள்! வாஜ்பாயின் இந்தியாவை ஒளிர விட்டார்கள்! சோனியாவிற்குத் தங்கத் தாம்பாளத்தில் ஆட்சியைத் தந்தார்கள்!

இன்றைக்கு மோடி கையில் செங்கோல் கொடுக்கப் போகிறார்கள்?

யார் ஆட்சிக்கு வந்தாலும் ஊழலும் பண பலமும் தான் உண்மையில் ஆட்சி புரிகின்றன! இவற்றின் பிடியிலிருந்து நம்மைக் காக்க யாருமேயில்லையா?

’ஏனில்லை ! நான் இருக்கிறேன்!’ என்று சினிமா பாணியில் யாராவது வரமாட்டார்களா? என்று ஆவலோடு காத்திருக்கிறான்  இந்தியக் குடிமகன்!

+++++++++++++++++++++++++++++++++++++++++++++++++++++++++

=========================================================

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

கணபதி!கணபதி!கணபதி!
கணபதி!கணபதி!கணபதி!

கணபதியானை துதித்துப் பாரும்  
கணமதில் மரண  பயமது சாகும்  
கணபதி பேரைச் சொன்னால் போதும் 
கனவில் செய்த பாவமும் போகும்

கணபதி!கணபதி!கணபதி!
கணபதி!கணபதி!கணபதி!

டாக்டர் 

கல்யாணம் ,குழந்தை பெத்துக்கிறது இதையெல்லாம் நினைச்சா ஸ்வேதாவுக்கு பயம்! அப்போது தான் தினத்தந்தியில் விளம்பரத்தைப் படித்தாள். டாக்டர் மிருதுலா தேவியின்  "  A to Z’  ட்ரீட்மெண்ட்டைப்  பற்றி!

லிஸ்டைப் படித்தாள். வேடிக்கையாக இருந்தது! காதலிப்பது எப்படி, கணவனுடன் ஜாலியாக இருப்பது எப்படி, குழந்தை பெத்துக்க  வழி, பெத்துக்காம இருக்க வழி, பால் கொடுப்பது எப்படி, மற்றும் தொப்பை குறைய முகப்பரு போக்க இன்னும் எத்தனையோ பிரச்சனைகளுக்கு ட்ரீட்மெண்ட் தருகிறாராம்

.ஆனால் பாவம் டாக்டர் மிருதுலா தேவிக்கு அம்பது வயதாகியும் இன்னும் கல்யாணமே ஆகலை!

சக்கரத்தின்     முன்னின்று     தவம்செய்யும்        தாயே!
சாக்காடு        பிணிஎல்லாம்   போக்கிவிடும்        தாயே!
சிக்கல்களை    நீக்கிவிட்டு     சுகமளிக்கும்         தாயே!
சீக்கிரமாய்      வந்துவிடு      மாங்காட்டுத்         தாயே!
சுக்காக         மருந்தாக       விளங்குகின்ற      தாயே!
சூட்சும         ரூபமாய்        ரட்சிக்கும்            தாயே!
செக்கினிலே    சிக்காமல்       தூக்கிவிட்ட          தாயே!
சேக்கிழார்      போலென்னை எழுதவைத்த         தாயே!
சைகைமொழி   பேசிஎன்னை    மகிழவைத்த         தாயே!
சொக்கத்தங்கம் போலவந்து     சொக்கவைத்த        தாயே!
சோகவிழி      மாற்றிவிட்டு    வாகைதந்த                    தாயே!
சௌபாக்ய      வாழ்வுதந்து     ஆதரிக்கும்                       தாயே!
ஸ்ருங்கார      பார்வைகொண்டு காத்திடுவாய்      நீயே!

000000000000000000000000000000000000000000000000000000000

@@@@@@@@@@@@@@@@@@@@@@@@@@@@@@@@

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

……………………………………………………………………………………………………

காதல் 

    ஷாலினிக்கு ரொம்ப நாளாகவே ஒரு சந்தேகம்! உண்மையான காதல்னா என்ன? எல்லாப் பசங்களும் ஜொள்ளுப் பார்ட்டியாகத் தான் தெரிந்தது. எவன் மேலேயும் அவளுக்கு அது இதுவரை வரவில்லை.

கிரண் அவளுடைய நெருங்கிய சிநேகிதி.. ’ டீ ஷாலினி! மனோ ஜெம்டி.அவன் தான் என் லவர்’ என்றாள். அது போன மாதம். ‘மனோ தண்டம்டி குணால் தான் ஸ்வீட். அவன் தான் எனக்கு எல்லாம் என்றாள். இது போன வாரம். ‘கண்ணன் தாண்டி என் காதலன்! அவன் தான் என் உயிர் மூச்சு’ இது முந்தா நாள்.

இதுலே எது உண்மையான காதல் என்று ஷாலினிக்குப் புரியவே இல்லை. ஆனா இன்னிக்குக் காலையிலே மழையில் நனையும் போது  குடை குடுத்து உதவினானே ஜெகன்! அவனைப் பார்த்த நிமிடத்தில் ஷாலினிக்கு காதலின் அர்த்தம் புரிந்தது.

வேடிக்கை என்னவென்றால் ஜெகன் கிரணை மனசாரக் காதலிக்கிறான்.!

காதல்       என்பது      மண்ணானால்      – அதில்    
      மின்னும்    பொன்       துகள்       நீயன்றோ ?
காதல்       என்பது      நெருப்பானால்     – அதில்
      துடித்திடும்   திரியும்      நானன்றோ ?

காதல்       என்பது      காற்றானால்       – அதில்
      தூவிடும்    மகரந்தம்    நீயன்றோ?
காதல்       என்பது      மலையானால்     – அதில்
      பொழிந்திடும் மழையும்    நானன்றோ ?

காதல்       என்பது      நதியானால்        – அதில்
      பொங்கிடும்  நுரையும்    நீயன்றோ ?
காதல்       என்பது      கடலானால்        – அதில்
      அலைபோல் தவிப்பது    நானன்றோ ?

காதல்       என்பது      மதுவானால்       – அது
      தந்திடும்     போதை     நீயன்றோ ?
காதல்       என்பது      தேனென்றால்      – அதைச்
      சேர்ந்திடும்  தேனி       நானன்றோ ?

காதல்       என்பது      நீயென்றால்        – உனைத்
      தொழுதிடும் பக்தன்      நானன்றோ ?
காதல்       என்பது      நானென்றால்      – என் 
      உயிரின்     ஸ்வாஸம்   நீயன்றோ ?

ஹோலி   இந்தியாவில் சிறப்பாகக்   கொண்டாடப்படும்  பண்டிகை.!

நமக்குப் பொங்கல் போல இதுவும் ஒரு அறுவடை திருவிழா தான்.  இன்று அது  வண்ணங்களின் திருநாளாகக் கொண்டாடப்படுகிறது.  

ஹோலி என்றாலே வண்ண வண்ணப் பொடிகளை ஒருவர் மற்றவர் மீது பூசி விளையாடும் குதூகலம் என்பதை ஹிந்திப் படம் பார்த்த அனைவரும் அறிவோம். 

ஹோலிக்கு புராண கலரும் உண்டு.

நீல வண்ண கிருஷ்ணன் வெள்ளை ராதையின் மீது வண்ணப் பொடிகளைப் பூசி விளையாடி திருப்தி அடைந்தானாம். அதில் துவங்கியது வண்ண வண்ண ஹோலி. 

இன்னொரு கதையும் உண்டு. ஹிரண்யகசிபு ‘ஹோலிகா’ என்ற அவனது சகோதரியை பிரகலாதநானுடன் நெருப்பில் இறங்கும்படி கூறினானாம்.. ஹோலிகாவை நெருப்பு சுடாது என்ற வரம் இருந்ததானால் அவளும் தைரியமாக நெருப்பில் இறங்கினாளாம். பகவான் விஷ்ணு ஹோலிகாவை தகனம் செய்து  பிரகலாதனை எரி  படாமல் காப்பாற்றினார்.

தீயதை எரித்து நல்லதைக் காக்கும் செயலாக ஹோலிக்கு முதல் நாள் ஹோலி நெருப்பு வைத்து நம்ம  சொக்கப்பனை மாதிரி . கொண்டாடுகிறார்கள் வட இந்தியாவில். 

கலர் என்றதும் அந்த நாள் ஜான்சன் & ஜான்சன் கம்பெனியின்  ’ when you see color think of us’ என்ற விளம்பரம் ஞாபகம் வருகிறது.

இப்போது சினிமா நிறுவனமான UTV யின் வண்ணத் தூரிகை ஹோலிக்கு நல்ல உதாரணம்!  

( UTV யின் முழு வீடியோவை இந்த லிங்கில் பாருங்கள் – http://vimeo.com/14872328)

பீட்ஸா 

அபர்ணாவுக்கு நல்ல செக்ஸி வாய்ஸ். இருபது வயதில் பாப் மியூசிக்கில் இந்தியாவையே கலக்குகிறவள். அவள் மைக் எடுத்து பாட ஆரம்பித்தால் காலேஜ் ஸ்டூடண்ட்ஸ் கும்பலே குதிக்கும். அவளும் அவள் டிரஸ்ஸும் அவளை இந்தியாவின் ‘மடோனா’ வாக மாற்றியது..

அவள் அம்மா சுபத்ராவுக்கு இது கொஞ்சம் கூட பிடிக்கவேயில்லை.பின்னே என்ன  எம்‌எஸ்,  எம்‌எல்‌வி  மாதிரி கர்நாடக சங்கீதத்தில் கரைகண்ட சுபத்ராவுக்கு இப்படி ஒரு பொண்ணா? அம்மாவுக்கு அம்மாவா குருவுக்கு குருவா பதினைந்து வருஷம் பாட்டு சொல்லிக் கொடுத்தேனே! இதுக்காடி?மனசு தாங்காமல் கேட்டாள் சுபத்ரா!

“ அம்மா புரிஞ்சுக்கோ! உங்க அம்மா தயிர் சாதம். நீ தோசை! நான் பீட்ஸா!

சுபத்ராவுக்கு ஒன்றும் சொல்ல முடியவில்லை!