பொருளடக்கம்

குறை ஒன்றும் இல்லை 3 

ஷாலு மை வைஃப்  4

எங்க பூமி 5

இலக்கிய வாசல்   6

ஜோக்ஸ் 7 

மணி ரத்னத்தின்  ‘ஓகே கண்மணி ’ டிரைலர்  8 

சரித்திரப் புத்தகங்கள்  -ஒரு தேடல் 9

சிவப்பழகி 10

ஹோலி 11

மத்திய பட்ஜெட் 12

அளவு 13

உத்தம வில்லன் டிரைலர் 14   

நான் ரசித்த படைப்பாளி 15 


பக்கம் 16க்கு மேல் படிக்க" older entries" கிளிக் செய்யவும்


மடல் ஏறுதல்   16 

இப்படை தோற்கின்   17

என்னை அறிந்தால் /அனேகன் விமர்சனம் 18 

சிவராத்திரி 19

மீனங்காடி 20

ஆத்திசூடி 21  

ஜோக்ஸ்   22 

ஹி  .ஹி 23

எதிரொலிக் கவிதை 24

சரித்திரப் புதிர்  விடை 25 

தலையங்கம்  26 

குறையொன்றும் இல்லை மறைமூர்த்தி கண்ணா
எம் எஸ் அவர்களின் அழகான பாடல் –  ராஜாஜி அவர்கள் எழுதியது. இந்த அருமையான  பாடலை மாற்றிப் பாடுவதற்கு அவர்கள் இருவரும் என்னை மன்னிக்கவும்! 


image

குறை ஒன்றும்இல்லை எனை மணந்த பெண்ணே
குறை ஒன்றும்இல்லை பொன்னே
குறை ஒன்றும்இல்லை கண்ணே

 
சமைக்கத்
தெரியாமல் விழிக்கின்றாய்  பெண்ணே
சமைக்கத்
தெரியாமல்  விழித்தாலும் எனக்கு
குறை ஒன்றும்
இல்லை எனை மணந்த பெண்ணே
வேண்டியதைத்
தந்திட சரவணபவன் இங்கிருக்க
சமையல் நமக்கெதுக்கு
எனை மணந்த பெண்ணே
அடி பொன்னே  அடி பெண்ணே என்கண்ணே என்கண்ணே
 
 
டிவியை  எப்போதும் பார்க்கின்றாய்  பெண்ணே – உன்னை
சீரியல்விரும்பும்
பெண்களே  போற்றுவர்
என்றாலும்
எனக் கொன்றும்  குறையில்லை பெண்ணே
சோஃபாவில்
சிலையாக
அமர்ந்துள்ள அழகே
குறை ஒன்றும்
இல்லை எனை மணந்த பெண்ணே
அடி பொன்னே
அடி பெண்ணே என்கண்ணே என்கண்ணே
 
அழகான   துணிமணி வாங்கிடவே  வேண்டி
அடிக்கடி
மாலுக்குச்  செல்கின்றாய் கிளியே
குறை ஒன்றும்
இல்லை எனை மணந்த பெண்ணே
எதையும்
மறுக்காத உன்புருஷன் நானிருக்க
எதற்கும்
கவலையின்றி  மகிழ்கின்ற  பெண்ணே நீ
என்றும்  சிரித்திட ஏது குறை எனக்கு
ஒன்றும்
குறையில்லை எனை மணந்த பெண்ணே
அடி பொன்னே  அடி பெண்ணே என்கண்ணே என்கண்ணே

அந்தப் பாடலுக்குப் பதில்  இது: 

image



குறை ஒன்றும்
இல்லை எனை மணந்த கண்ணா
குறை ஒன்றும்
இல்லை கண்ணா  
குறை ஒன்றும்
இல்லை கன்னையா

 
வேலையே உயிரென்று
கிடக்கின்றாய் கண்ணா
வேலையில்
உயிராய்நீ   இருந்தாலும் எனக்கு
குறை ஒன்றும்
இல்லை எனை மணந்த கண்ணா
கொள்ளயாய்
வேலைகள் மாமியார் தந்திருக்க  
ஆசைகள் எனக்கெதுக்கு
எனை மணந்த கண்ணா
என் மன்னா
என் வண்ணா  என் கண்ணா என் கண்ணா  
 
 
கிரிக்கெட்டை
எப்போதும் பார்க்கின்றாய்  கண்ணா – உன்னை
கிரிக்கெட்டை
விரும்பும் மக்களே  போற்றுவர்
என்றாலும்
எனக்கொன்றும்  குறையில்லை கண்ணா
கல்லாக  டிவி முன்
அமர்ந்துள்ள கண்ணா  
குறை ஒன்றும்
இல்லை எனை மணந்த கண்ணா  
என் மன்னா
என் வண்ணா  என் கண்ணா என் கண்ணா  
 
கைபேசி தன்னிலே
நாள்முழுதும் தான்பேசி  
குடும்பக்
கவலைகள் மறந்திருக்கும் வண்ணா  
குறை ஒன்றும்
இல்லை எனை மணந்த கண்ணா  
எதற்குமே
கலங்காத மனைவி நானிருக்க  
கொஞ்சமும்
கவலையின்றி  இருக்கின்ற கண்ணா நீ  
என்றும்  இருந்திட  ஏது குறை எனக்கு
ஒன்றும்
குறையில்லை எனை மணந்த கண்ணா  
என் மன்னா
என் வண்ணா  என் கண்ணா என் கண்ணா  
 
 

image

பக்கம் – 3 

ஷாலு மை  வைஃப்

image

“உங்க வைஃப் கார் ஒட்டக் கற்கும் போது நீங்கள் குறுக்கே நிற்காதீர்கள் ”. ஷாலு கார் ஓட்டக் கற்றுக்கொள்ளப் போகிறாள் என்றதும்  எனக்குத் தோன்றிய முதல் எச்சரிக்கை மணி.   

அதே சமயம் என் கார் என்னிடம் கெஞ்சியது –  என்னை ஏன்    கொடுமைப் படுத்தப் போகிறாய் ?  (படிக்காதவன் ரஜினி கார் மாதிரி என் காரும் அப்பப்ப பேசும் )

ஆனால் ஷாலு நினைத்ததை மட்டுமல்ல நினைக்காததையும் முடிப்பவள் என்பது பரத நாட்டிய எபிசோடிலேயே தெரிந்து விட்டது. டிரைவிங் ஸ்கூல் காரில் கற்றுக் கொள்ளலாம் என்ற என் கோரிக்கை வைப்பதற்கு முன்னே தள்ளி விடப்பட்டது – ராஜ்ய சபாவில் வைக்கப் பட்ட பி ஜே  பியின் மசோதா  மாதிரி. .  குருஜினி  சொல்லிவிட்டாராம். சொந்தக் காரில் தான் கற்றுக் கொள்ள வேண்டும் என்று. அப்போது தான்  முழு ஈடுபாடு இருக்கும்  என்று. ‘சரி நம்ம கார் . டிரைவிங் ஸ்கூல் டிரைவர்.  என்றேன். அதற்கும் பெரிய ‘நோ’ . குருஜினி  சீடப் பெண் ஒருத்தி இருக்கிறாளாம்.  அவள் தான் பக்தி சிரத்தையுடன் சொல்லித் தருவாளாம். 

ஒரு மாதத்திற்கு காரை அடமானம் வைக்கலாமா? இல்லை ஒரேயடியா விற்று விடலாமா என்றெல்லாம் கெட்டமனது  நினைக்க ஆரம்பித்தது.  ஆபீஸில் நண்பர்களுடன் இதைப் பற்றிக் கலந்து ஆலோசித்தேன். எல்லாப் பசங்களும் போகாத ஊருக்கு வழி சொன்னார்கள். காரோட நான் ஒரு மாதம் தலை மறைவா ஓடிடணுமாம். ‘போங்கடான்னு’ சொல்லிட்டு விதியை நம்பி என் கார் சாவியை ஷாலுவிடம் கொடுத்தேன். மனசுக்குள் பாசமலர் சீன் ஓடியது. ‘ஷாலு.. என் கண்ணையே உன்கிட்டே ஒப்படைக்கிறேன். அதுல ஆனந்தப் பெட்ரோலைத் தான் எதிர்பார்க்கிறேன்’ 

image

அடுத்த நாள் டிரைவிங்  ஆரம்பிக்கப் போகிறது. ஷாலு ஏதோ புத்தகத்தை வைத்து சீரியசாகப் படித்துக் கொண்டிருந்தாள். ‘காபி  தாயேன் ஷாலு’  என்றதும் அவள் காபி போடப் போன போது அந்தப் புத்தகத்தைப் பிரித்துப் பார்த்தேன்.  முதல் பக்கத்தில் வடிவாம்பா சாரி குருஜினியோட போட்டோ . அதுக்குப் பிறகு கார் ஓட்ட கற்றுக் கொள்ளுங்கள் என்று கோனார் நோட்ஸ் மாதிரி போட்டிருந்தது. முதல் கேள்வி காரின் படம் வரைந்து பாகங்களைக் குறி.அதுக்கு மேலே  படிக்குமுன் ஷாலு காபியுடன் வந்துவிட்டாள்.“ நோ! நோ ! இதெல்லாம் எங்க சமாசாரம் . நீங்க படிக்கக் கூடாது.”  

முதல் நாள் குருஜினியின் சீடப் பெண் வந்தாள். காருக்கு கற்பூரம் காட்டி ஷாலுக்கு நெற்றியில் வீரத் திலகம் இட்டு ஏதோ போருக்குப் போகும் ஜான்சி  கி ராணி ஸ்டைலிலே தயார் செய்தாள். இரண்டு பேரும்  காரைச் சுற்றி மூன்று முறை வலம் வந்தனர். அப்படி வரும் போது காருக்கு சந்தனப்  பொட்டு 18 இடத்தில் வைத்தார். நாலு டயரிலும் ஸ்டெப்னி  டயரிலும் ஒரு எலுமிச்சம் பழத்தை அழுத்தினார்கள். கற்பூர ஆரத்தியும் நடைபெற்றது. நல்லவேளை செந்தில் ஸ்டைலில் எரியும் கற்பூரத்தை பெட்ரோல் டாங்கில் போடவில்லை. எல்லா கதவையும் நன்றாகச் சாத்திவிட்டு  டிரைவர் சீட்டில் சீடரும் பக்கத்து சீட்டில் ஷாலுவும் உட்கார்ந்தார்கள்.பிறகு 11 தடவை இருவரும் பிராணாயாமம் செய்தார்கள்.   சீடர் ஸ்டார்ட் செய்தார்.முடியவில்லை  நான் ஏதோ  சதி செய்வதாக எண்ணி இருவரும்  ஆப்கானிஸ்தான் உளவாளி மாதிரி  என்னைப் பார்த்தார்கள். வண்டி கியரில் இருக்கிறது என்று கண்ணாடிக்கு வெளியில் கரடியாய் கத்தினேன். 

image

சீடர் புரிந்துகொண்டு கியரை சரிசெய்து வண்டியைக்  கிளப்பினார். சந்திராயானம் ராக்கெட் மாதிரி வண்டி பறந்தது. நல்ல வேளை காம்பவுண்ட் கதவைத் திறந்து வைத்திருந்தேன். இல்லையென்றால்  காரும் கதவும் அப்பளமாயிருக்கும். ‘தெருமுனையில் ஒரு ஸ்பீட் பிரேக்கர் இருக்கு’  என்று  நான் கத்தியதை இருவரும் காதில் வாங்கினமாதிரி தெரியவில்லை. ஈஸ்வரோ ரட்சது  என்று சொல்லிக் கொண்டே இன்ஸ்யூரன்ஸ் பேப்பர் சரியாயிருக்கா என்று பார்க்கப் போனேன். பத்தாவது நிமிடம் இருவரும் வேர்க்க விறுவிறுக்க ஓடி வந்தார்கள். 

என்னாச்சு?

“ இப்படியா ஒரு ஸ்பீடு பிரேக்கர் வைச்சிருப்பான்!திருப்பதி மலை மாதிரி? ”

“ஏன் காருக்கு அடிபட்டுடிச்சா? ”

“காரைப் பத்தியே கவலைப் படறீங்களே! சிஸ்டர் மாமி அதைப் பாக்காம கொஞ்சம் பாஸ்ட்டா போனதினாலே அவங்களுக்கு முதுகு வலி வந்திடுச்சாம்." 

இன்னிக்கு இது போதும் என்று சொல்லிவிட்டு  நான் போய் காரை எடுத்து வந்து அவர்கள் இருவரையும் ஏற்றிக்கொண்டு சிஸ்டர் மாமியை அவர்கள் வீட்டில் விட்டுவிட்டு வீட்டுக்கு வந்தோம். அன்னிக்கு ஞாயிற்றுக் கிழமை. அதனால் ஆபீஸ் கவலை இல்லை. 

அன்னிக்கு  ராத்திரி முழுதும் அவள் தூங்கவேயில்லை. என்னையும் தூங்க  விடலை!

 ‘உங்ககிட்டே ஒண்ணு கேக்கணுமே! 

"இந்த காரிலே கியர் எதுக்கு? தேவையேயில்லை! அதை எடுத்துட்டா கார் நல்லா பாஸ்ட்டா ஓடுமில்லே! ”  

“அப்பறம் ரியர் வியூ மிர்ரரில் நம்ம மூஞ்சிக்குப் பதிலா பின்னாடி இருப்பவர் மூஞ்சி தான் தெரியுது. நம்ம மூஞ்சி தெரிஞ்சா மேக்கப் சரி பண்ணிக்கலாம். ”

“நாலு டயர்  எதுக்கு . ஆட்டோ மாதிரி மூணு போதாதா? ”

“காரிலே எப்படி எட்டு போடறது? ”

“சாதா பெட்ரோலுக்குப் பதிலா மூலிகை  பெட்ரோல் போட்டா சீப்பா முடியுமில்லே? ”

“பின்னாடி ஒரு ஸ்டியரிங்க் வைச்சா   திரும்பி உட்கார்ந்து சவுகரியமா ரிவர்ஸ் எடுக்கலாமே! ”

காலையில் எழுந்ததும் ஷாலு சொன்னாள். ’ நேத்து ராத்திரி முழுதும் யோசிச்சேன். அந்த சிஸ்டர் மாமி வேண்டவே வேண்டாம்! அவளே ஒரு அரைகுறை.’ 

இதைக் கண்டுபிடிக்க ஒரு ராத்திரி தேவையேயில்லை. அரை நிமிஷம் போதும். 

“அப்போ கார் திட்டம்  கேன்ஸெலா?”

“இல்லே அதுக்கு வேற ஒரு திட்டம் வைச்சிருக்கேன் "என்று சுஷ்மா சுவராஜ் பாணியில் பேசினாள்.

"யாரு உங்க குருஜினியே சொல்லித் தரப் போறாங்களா? ”

“இல்லே நான் உங்க கிட்டேயே கத்துக்கறேன்!”

அது தான் எனக்கும் சரியா பட்டது. ஆனாலும் கொஞ்சம் பிகு பண்ணிக்கிட்டு ஏதோ அவளுக்காகப் பெரிய தியாகம் செய்யற மாதிரி ஒத்துக் கொண்டேன். ஒரே ஒரு கண்டிஷன் தான் போட்டேன்.  கார் கற்றுக்கொள்ளும் போதாவது நான் சொல்றதைக் கேட்கணும். அவள் தன்மான உணர்ச்சி அதற்கு முதலில் இடம் கொடுக்கவில்லை  இருந்தாலும் ‘நல்ல முயற்சிக்கு நாமும் கொஞ்சம் தியாகம் பண்ணுவோமே’ என்று ஒத்துக் கொண்டாள். 

அதற்குப் பிறகு தினமும் காலை ஆறு மணிக்கு கார் டிரைவிங்கிற்கு இருவரும் கிளம்பிடுவோம். இருபது நாட்கள்.இருபதே நாட்கள்!

பரவாயில்லை. நான் நினைத்ததைவிட நன்றாகவே கற்றுக் கொண்டாள். எவனாவது பின்னால் ஹாரன் அடிக்கும் போது தான் அவளுக்கு கெட்ட கோபம் வரும்.  ‘நாசமா போறவன் ஏன் இப்படி அலறறான்? ‘ 

கார் ஒட்டறதைப்  பத்தி நான் ஏதாவது மொக்கை . ஜோக் சொன்னாலும் பிடிக்காது. ஒரு நாளைக்கு என் நாக்கில சனி! ‘நீ அமெரிக்காவில பிரமாதமா ஒட்டுவே! ஏன்னா இந்த ஊரில எப்பவும் ராங்க் சைடிலேயே ஒட்டறேன்னு’ சும்மா ஜோக்குக்காக   சொன்னேன். அதற்கு தண்டனையா அன்றைக்கு முழுதும் ‘இந்தக் குத்தலா பேசற குணம் உங்க ஜீன்ஸ்லேயே இருக்கு ‘என்று அவள் மாமியார் நாத்தனார் கொழுந்தன் அவர்களுடன் என்னைக்  கம்பேர் பண்ணி மாடுலேஷனோட ஒரு ஒலிச்சித்திரம் மாதிரி சொன்னாள். 

image

இருபது நாளில்  அவள் சூப்பரா கார் ஒட்டக் கற்றுக் கொண்டாள். டிராஃபிக்கில் எல்லாம் சர்வ அலட்சியமா போறாள். பெரிய ரோட்டில பாஸ்ட் லைனில போகணும்னு துடிப்பா. நான் தான் அப்பப்ப அவள் இன்னும் எல் போர்டு என்பதை  ஞாபகப்  படுத்தணும். 

லைசன்ஸ் வாங்கப் போகும் போது சின்ன வயசிலேந்து நேற்றைக்கு வரை அவள் போன அத்தனை கோவிலுக்கும் தனித் தனியா வேண்டிக்கொண்டாள்.  ‘ஏன் டென்ஷன் ஆகிறே . ‘நீ நல்லாத்  தான் ஒட்டறே. தேவையானா ஒரு ஏஜெண்டு மூலமா போகலாம்’ என்றேன்.   “அதெல்லாம் முடியாது! லஞ்சம் கொடுத்து லைசன்ஸ் வாங்கக் கூடாது என்பது எங்க குருஜினியோட உத்தரவு’ என்றாள். 

குருஜினி படத்தை காரில் வைத்து லைசன்ஸ் வாங்கப் போனோம். ஆர்.டி.ஓ. இன்ஸ்பெக்டர் வரும் போதே கடு கடுன்னு ’ இவனுகளுக்கெல்லாம் கார் ஓட்ட லைசன்ஸ் கொடுக்கக்  கூடாது லைசன்ஸ் டு கில்’ தான் கொடுக்கணும். என்று சொல்லிக் கொண்டே வந்தான். ‘மிஸ்டர் நீங்க பின்னாடி உட்காருங்க என்று என்கிட்டே கறாரா சொன்னான்.  நீங்க ஸ்டார்ட் பண்ணுங்க என்று அவள் கிட்டே சொன்னான்.  ஸ்டைலா அவள் காரை எடுக்கும் விதத்திலேயே அவள் ஒரு டாப் டிரைவர் என்பது தெரியவந்தது. நூறு மீட்டர் போகும்போது தான்  அவன் அந்தப் படத்தைப் பார்த்தான். காரை ஓரமா நிறுத்தி  ஐடிலிங்க்போடுங்க என்று உத்தரவு போட்டான். பிறகு ஷாலுவிடம் ’ இந்த குருஜினியை உங்களுக்குத் தெரியுமா? ’ என்று கேட்டான். 

‘உங்களுக்கும் தெரியுமா ’ என்று அவள் கேட்டாள். . 

‘தெரியுமாவா? என் வைஃபோட   குருஜினியும் அவர்கள் தான். இந்த மாதம் அவள் பரத நாட்டியம் கற்றுக் கொள்கிறாள்.’  என்று பெருமையா சொன்னான்.  ஷாலுக்கு குஷி தாளவில்லை. சந்தோஷம்  பிடிபடவில்லை. அந்தப் பெருமையில் வண்டி நின்று விட்டது.  அவனை பயந்து கொண்டு பார்த்தாள். 

‘கவலைப் படாதீங்க ! நல்ல டிரைவர் கிட்டே கத்துக்கிட்டீங்கன்னா இந்த மாதிரி வண்டி ஸ்டாப் ஆகாது.! நீங்க பாஸ் !  மூணு நாள் கழித்து லைசன்ஸ் வாங்கிக்கங்க என்று சொல்லிவிட்டு இறங்கினான்.

ஷாலுக்குத் தெரியாமல் மெல்ல என்னைப் பார்த்து   கைகாட்டிவிட்டுப் போனான் அந்த ஆர் டி ஓ ஆபிசர்.  அவன் என் ஸ்கூல்மேட்!   

லைசன்ஸ் வாங்கின பிறகு தான் சொல்றாள் – என் கிட்டே கார் கத்துக்கணும் என்கிறது தான் குருஜினியின் ஆணையாம். நான் மாட்டேன்னு சொல்வேன் என்று பயந்து சீடப் பெண் மாமி செட் அப் செய்தாளாம்.   

இன்னொண்ணு சொல்ல மறந்திட்டேனே! ‘கார் ஒட்டக் கற்றுக் கொள்ளும் போது கேட்கக்கூடாத ஆயிரம் கேள்விகள்’ என்று ஒரு புத்தகத்தை அமேசானில் போட்டேன். அது இப்ப சூப்பர் ஹிட். 

பக்கம் – 4 

எங்க பூமி

image


இது தான் இங்கிருந்து புறப்படும் கடைசி விமானம். ஒருத்தரைக்கூட விட்டுவிடக் கூடாது என்பது தீர்மானமான உத்தரவு.

“ஒரு நிமிடம் எங்க பாப்பாக்கு உயிருக்கு உயிரா இருந்த எங்க நாய்க்குட்டி…எங்க பூமி.. . அதைக் கடைசியா ஒருமுறை பாத்துடறோம்.”

“ம்..ம்..சீக்கிரம்.!”

“பாப்பா! அங்க பாரு நம்ம பூமி..!  வா வா என்று உன்னைக் கூப்பிடுது !”

அப்போது. மரங்கள் எல்லாம் எரிவது போல ஒரு ‘ஹோ’ என்ற சத்தம் விமானத்திற்கு மறுபுறம் கேட்டது. அனைவரும் ஜன்னல் வழியாகப்பார்த்தார்கள். நெருப்பு ஆறு போல தூரத்தில் வருவது தெரிந்தது.

“கதவைச் சாத்துங்கள்” விமானம் புறப்படட்டும். என்ற சத்தம்கேட்டது. விமானம் புறப்படும் போது தான் .. “ஐயோ! எங்க பாப்பாவைக் காணோம்”

“அந்தக் குழந்தை தப்பித்து விட்டது. நாம் நெருப்பைப்
பார்க்கும் போது அது இறங்கி ஓடிவிட்டது. இப்போது என்ன செய்வது?”

“ஒரு உயிர் கூட இங்கு இருக்கக் கூடாது என்பது
உத்தரவாயிற்றே!”

“நமக்கு நேரமில்லை. கிளம்ப வேண்டியது தான்.”  

அதற்குள் நெருப்பு விமானத்தைச் சூழ்ந்து கொண்டது.
விமானத்தால் நகர முடியவில்லை. ஒரு சில நிமிடங்களில் அந்த விமானம் முழுதும் எரிந்து
சாம்பலாயிற்று. அதிலிருந்த அனைவரும்
அழிந்தே போயினர்.

“பூமி” என்று ஓடிப்போய் அதைக் கட்டிக் கொள்கிறாள். அருகில்
ஒரு சிறுவன்.

“நீ யார்?”

“நானும் உன்னை மாதிரித் தப்பி வந்தவன். பூமியைப் பார்த்து இங்கு
வந்தேன். இதோ பார் ஒரு சுரங்கப் பாதை. வா! நாம் மூவரும் செல்வோம்!”

சென்றார்கள்.

செயற்கைக் கிரகத்திலிருந்த விஞ்ஞானிகள் விமானம் எரியும்
காட்சியைத்    திரையில்
பார்த்துக் கொண்டிருந்தார்கள். எல்லோரும் கைகளைத் தட்டி ஆரவாரித்தனர்.

“கடைசி விமானமும் அழிந்து விட்டது. மனித வர்க்கத்தை
முழுவதுமாக அழித்துவிட்டோம். மனிதர்களைக் காப்பாற்ற செவ்வாய் கிரகம் எத்தனையோ
விமானங்களை அனுப்பியது. நாம் அவை அனைத்தையும் விண்வெளியில் அழித்தோம். இந்த
விமானத்தை அந்த நெருப்பு ஆறே அழித்துவிட்டது. இனி அந்த பூமியில் மனித வர்க்கமே
இல்லை. இன்னும் சற்று நேரத்தில் அந்த பூமி கிரகத்தை சூரிய வெப்பத்தில் இணைய
வைக்கப் போகிறோம். மனித வர்க்கம் முழுமையாக அழியப் போகிறது.  அதனையும் நாம் காணப் போகிறோம்.

அனைவரும் மறுபடி ஆரவாரித்தனர்.

“ஆ. இதென்ன? நெருப்பு ஆறு. இது பூமிக்குச்
சொந்தமானதல்லவா? இங்கு எப்படி வந்தது?. ஒளி மூலம் இங்கு வந்துவிட்டதா? அப்படியானால்
வெடித்துச் சிதறப் போவது பூமி கிரகம் இல்லையா? நமது கிரகமா?”

வெடித்து சூரிய வெப்பத்தில் இணைந்தது அந்த செயற்கைக்கிரகம்.

image

பூமி வெகு வேகமாக  சுற்றிச் சுற்றி ஓடி ஒரு பள்ளத்தில் விழுந்தது.
. அதைத் தொடந்து வந்த அந்த சிறுவனும் சிறுமியும் அதில் சறுக்கிக் கொண்டே
விழுந்தனர். எவ்வளவு காலம் சறுக்கினார்களோ தெரியவில்லை. தாமரை மலர் போன்ற இருக்கையில்
கண்ணை மூடி அமர்ந்திருப்பவர் மடியில் பூமி விழுந்து மறைந்தது. அவர் கண்ணைத்
திறந்து பார்த்தார். பிறகு அமைதியாகக் கூறினார்.  

“ வாருங்கள்! புதிய உலகம் படைப்போம். நீ ஆதி.. அவன் பகவன்
என்றார்.  

பக்கம் –  5 

குவிகம் இலக்கிய வாசல்

image

இலக்கிய சிந்தனை , இலக்கிய வீதி  இந்த வரிசையில் புதியதாக வரும் அமைப்பு  நமது  ’குவிகம் இலக்கிய வாசல் “ .

இதன் அடிப்படை நோக்கங்களாக மனதில் இருப்பவை :          

  •  தமிழ் இலக்கியத்திற்காக சற்று நேரம் செலவிடுவோம்! 
  • இலக்கிய ரசனையைப்  பகிர்ந்து கலந்து உரையாடுவோம்          
  • புதிய படைப்புகளை அறிவோம்! ·         
  • பார்வையாளர்களைப் பங்கெடுப்பவர்களாக மாற்றுவோம்!                               
image

தமிழன்பர்கள், இலக்கிய ஆர்வலர்கள் அனைவரையும் இவ்விழாவில் பங்கெடுக்க அழைக்கிறோம்!.

தங்கள் மேலான ஆலோசனைகளும் வரவேற்கப்படுகின்றன  

பக்கம் –  6             

மேலே உள்ள படங்கள் பல சரித்திர நாவல்களின் அட்டைப் படங்கள். மொத்தம் 20 புத்தகங்கள் இந்தப் படத்தில் இருக்கின்றன. 

எங்கே உங்களால்  எத்தனை புத்தகங்களை அடையாளம் கண்டு கொள்ள முடிகிறது? 

இதோ  கொஞ்சம் உதவி :

இடம் பெற்றுள்ள புத்தகங்கள் : 

கல்கி : பொன்னியின் செல்வன், சிவகாமியின் சபதம், பார்த்திபன் கனவு 

சாண்டில்யன்: யவனராணி, கடல்புறா ,மன்னன் மகள், கன்னி மாடம், ராஜ திலகம், 

விக்ரமன்: நந்திபுரத்து நாயகி

 நா. பார்த்தசாரதி : பாண்டிமாதேவி 

 ஜெகசிற்பியன்: பத்தினிக் கோட்டம் 

கோ.வி.மணிசேகரன்: சேரன் குலக்கொடி 

அரு.ராமநாதன்: வீரபாண்டியன் மனைவி 

ஸ்ரீ வேணுகோபாலன்: திருவரங்கன் உலா 

சுஜாதா: காந்தளூர் வசந்தகுமாரன் கதை  

கௌதம நீலாம்பரன்: கலிங்க மோகினி 

அகிலன் : வேங்கையின் மைந்தன் 

கண்ணதாசன்: சேரமான் காதலி 

பாலகுமாரன் : உடையார் 

விடை 25ம் பக்கத்தில்   


பக்கம் – 9 

image

( ஸ்ரீனிவாச ராகவன் )

பச்சை உடையணிந்த சிவப்பழகி

பசலையும் நாணமுள்ள உதட்டழகி 

தலை குனிந்து நிற்கிறாளே.

image

பக்கம் – 10 

அளவு ..

தமிழ் நாடு எவ்வளவு  தொன்மையான -அறிவில் முதிர்ச்சி அடைந்த நாடாக 2000 – 3000 ஆண்டுகளுக்கு முன்பே திகழ்ந்து வந்தது என்பதற்கு அளவு  இந்த அளவு  கோல். 

நேரத்தை, காலத்தை, நிறுத்தலை, முகத்தலை, நீட்டலை , பரப்பை ,எண்களை, பின்னங்களை  எவ்வளவு துல்லியமாக அளந்திருக்கிறார்கள் /அறிந்திருக்கிறார்கள் நம் முன்னோர்கள். 

அவர்கள் அளித்ததை நாம் அழித்து வருகிறோம்! 

image

கால அளவு :

1 குழி = 6.66 மில்லி செகண்ட்ஸ் ( கார்த்திகை நட்சத்திரம் ஒரு முறை மின்னும்  நேரம்)

10 குழிகள் = 1 மை (  கண் இமைக்கும் நேரம் ) =66.66 மில்லி செகண்ட்ஸ்
2 மை  = 1 கை நொடி =0.125 செகண்ட்
2 கை நொடி = 1 மாத்திரை  = 0.25 செகண்ட்
6 மை =  1 நொடி =0.40 செகண்ட்
2 மாத்திரை = 1 குரு =0.50 செகண்ட்
2 நொடி = 1 வினாடி = 0.80 செகண்ட் ( ஒரு இதயத் துடிப்பு)
2 ½ நொடி =  2 குரு = 1 உயிர் = 1 செகண்ட்
5 நொடி = 1 சணிகம்  = 2 செகண்ட்
10 நொடி = 1 அணு = 4 செகண்ட்
6 அணு = 1 நாழிகை-வினாடி  = 24 செகண்ட்
10 நாழிகை வினாடி = 1 கணம்  = 4 நிமிடம்
6 கணம் = 1 நாழிகை = 24 நிமிடம்
10 நாழிகை = 4 சாமம் = 1 சிறு பொழுது = 4 மணி
6 சிறு பொழுது = 1 நாள்  = 24 மணி
7 நாள் = 1 கிழமை (வாரம்)
15 நாட்கள் = 1 அழுவம் ( அரை மாதம்)
29.5 நாட்கள் = 1 திங்கள் (மாதம்)
2 திங்கள் = 1 பெரும் பொழுது ( காலம்)
6 பெரும் பொழுது = 1 ஆண்டு
64 ஆண்டு = 1 வட்டம்
4064 ஆண்டு = 1 ஊழி


சிறுபொழுது :


1. காலை : 6AM-10AM
2. நண்பகல்  10AM-2PM
3. ஏற்பாடு : 2PM-6PM
4. மாலை : 6PM-10PM
5. இடையாமம் 10PM-2AM
6. வைகறை  2AM-6AM


பெரும் பொழுது


இளவேனில்—————- சித்திரை  & வைகாசி 

முது  வேனில் ———— ஆனி  & ஆடி 

கார் காலம் —————–  ஆவணி & புரட்டாசி 

குளிர் காலம்—————   ஐப்பசி & கார்த்திகை 

முன்பனிக் காலம்——–  மார்கழி & தை 

பின்பனிக்  காலம்——–   மாசி & பங்குனி 

image

தங்கம் நிறுத்தல் அளவு

4 நெல் எடை = 1 குன்றிமணி எடை
2 குன்றிமணி எடை  = 1 மஞ்சாடி அல்லது பணவிடை
5 பணவிடை = 1 கழஞ்சு
8 பணவிடை = 1 வராகன் எடை
4 கழஞ்சு =  1 கக்ஸு
4 கக்ஸு  = 1 பலம்
1.5 கழஞ்சு = 1 பவுன் அல்லது சவரன்  = 8 கிராம்

நிறுத்தல் அளவு

32 குன்றிமணி = 1 வராகன் எடை

10 வராகன் எடை = 1 பலம்

40 பலம் = 1 வீசை

1000 பலம் = 1 கா

6 வீசை = 1 துலாம்

8 வீசை = 1 மணங்கு

20 மணங்கு =1 பாரம்

image

முகத்தல் அளவு

1 குணம்  = மிகச் சிறிய அளவு

9 குணம் = 1 மும்மி
11 மும்மி =  1அணு
7 அணு = 1 இம்மி
7 இம்மி = 1 நெல்
7 நெல் = 1 சிட்டிகை   (சிறிய அளவு )
360 நெல் = 1 செவிடு
5 செவிடு = 1 ஆழாக்கு
2 ஆழாக்கு = 1 உழக்கு
2 உழக்கு =  1 உறி
2 உறி = 1 படி
8 படி =  1 மரக்கால் (குருணி)
96 படி = 1 கலம்
120 படி = 1 பொதி
2 மரக்கால் = 1 பதக்கு
2 பதக்கு = 1  தூணி  
5 மரக்கால் =  1 பாறை
80 பாறை =1 கரிசை
21 மரக்கால் = 1 கோட்டை    

நீட்டல் அளவு

8 சிறு கடுகு = 1 எள்:
8 எள் = 1 நெல்
8 நெல் = 1 விரல் (1.9444 cm )
12 விரல் = 1 சாண்   (23.3333 cm )
2 சாண்  = 1 முழம்  (46.6666 cm )
2 முழம் =  1 கஜம்
2 கஜம் = 1 பாகம்
22 கஜம் = 1 சங்கிலி
220 கஜம் = 1 பர்லாங்
8 பர்லாங் = 1 மைல்
5 பர்லாங் = 1 கிலோ மீட்டர்
625 பாகம் = 1 காதம் = 1.167 கிலோ மீட்டர்

பரப்பளவு:

குழி = 576 சதுர அடி  
காணி =100 குழி =132 சென்ட்  
வேலி = 7 காணி
மரக்கால் விடைப்பாடு =  8 சென்ட் ( 8 படி நெல் விதைக்கத் தேவையான இடம்)
ஏக்கர் =: 100 சென்ட்  = 12.5 மரக்கால் விடைப்பாடு

முழு எண்கள்

  • 1= onRu ஒன்று
  • 10= patthu பத்து
  • 100= nooRu நூறு
  • 1000= aayiram ஆயிரம்
  • 10,000= pathaayiram பத்தாயிரம்
  • 100,000= nooRaayiram நூறாயிரம்
  • 1000,000= meiyiram  மையிரம்  
  • 10^9= thoLLunn தொல்லுண்
  • 10^12= eegiyam ஈகியம்
  • 10^15= neLai நெளை
  • 10^18= iLanji இளஞ்சி
  • 10^20= veLLam வெள்ளம்
  • 10^21= aambal ஆம்பல்

பின்னங்கள்

  • 1= onRu ஒன்று
  • ¾= mukkaal முக்கால்
  • ½= arai அரை
  • ¼= kaal கால்
  • 1/5= naalumaa நாலுமா
  • 3/16= moonRu veesam மூன்று வீசம்
  • 3/20= moonRumaa மூன்று மா
  • 1/8= araikkaal அரைக்கால்
  • 1/10= irumaa இரு மா
  • 1/16= maakaaNi (veesam)  மாகாணி அல்லது வீசம்
  • 1/20= orumaa ஒரு மா
  • 3/64= mukkaal veesam முக்கால் வீசம்
  • 3/80= mukkaaN முக்காண்
  • 1/32= araiveesam அரை வீசம்
  • 1/40 araimaa அரை மா
  • 1/64= kaal veesam கால் வீசம்
  • 1/80= kaaNi காணி
  • 3/320= araikkaaNi munthiri அரைக்காணி முந்திரி
  • 1/160= araikkaaNi அரைக்காணி
  • 1/320= munthiri முந்திரி
  • 1/102,400= keezh munthiri கீழ் முந்திரி
  • ½,150,400= immi இம்மி
  • 1/23,654,400= mummi  மும்மி
  • 1/165,580,800= aNu அணு
  • 1/1,490,227,200= kuNam குணம்
  • 1/7,451,136,000= pantham பந்தம்
  • 1/44,706,816,000= paagam பாகம்
  • 1/312,947,712,000= vintham விந்தம்
  • 1/5,320,111,104,000= naagavintham  நாகவிந்தம்
  • 1/74,481,555,456,000= sinthai சிந்தை
  • 1/1,489,631,109,120,000= kathirmunai கதிர்முனை
  • 1/59,585,244,364,800,000= kuralvaLaippidi குரல்வளைப்பிடி
  • 1/3,575,114,661,888,000,000= veLLam வெள்ளம்
  • 1/357,511,466,188,800,000,000= nuNNmaNl நுண்மணி
  • ½,323,824,530,227,200,000,000= thaertthugaL தேர்த்துகள்  

நாணயம்

மிகச் சிறிய அளவு = 1 பால் (மர  வட்டம் அல்லது கடல்  கிளிஞ்சல்)

8 பாற்கள் = 1 செங்காணி
¼ செங்காணி = 1 கால்காணி ( செம்பு)
64 பாற்கள் : 1 காணாப்பொன் (காசு பணம்)
ஆங்கில அரசாங்கம்  வந்த பிறகு
16 அணா  = 1 ரூபாய்
1 அணா = 3 துட்டு
¼ அணா  = ¾ துட்டு
புழக்கத்தில் இருந்த நாணயங்கள்
காலணா, அரையனா, ஒரு அணா, நாலணா, அரை ரூபாய், ரூபாய்  

இத்தனை துல்லியம் எந்த மொழியிலாவது உண்டா? அணு தான் சிறியது என்று நினைத்தால் அதைவிட சிறிய அளவுகள் எத்தனை எத்தனை! பெருமைப் படுவோம் –  நமது முன்னோர்களின் திறமையை நினைத்து !

பக்கம் –  13 

நான் ரசித்த படைப்பாளி   – ஜெயந்தன் ( எஸ். கே. என்)

image

ஜெயந்தன்

திரு ஜெயந்தன் (இயற்பெயர்: கிருஷ்ணன் (1938-2010).  தொடக்கத்தில் ஆசிரியராக பணியாற்றி வந்த இவர்  பின்னர் வருவாய் துறையிலும் பணியாற்றிய பிறகு கால்நடைப் பராமரிப்புத்துறையில்பணியாற்றி ஒய்வு பெற்றவர். ‘கோடு’ என்னும் சிற்றிதழ் நடத்தி உள்ளார். கணையாழி, சுபமங்களாதவிர பிற பிரபல பத்திரிக்கைளிலும் பல படைப்புக்கள் வெளியாகி உள்ளன.

இவர் கதைகளில் நிகழ்களங்களும், கதைமாந்தர்களும் நமக்கு எங்கோ பரிச்சயமானவை என்று தோன்றும். அவற்றில் இவர் அளிக்கும்
பார்வையும் கோணங்களும் சுவாரசியம் தருகிறது.

நமக்குப் பழக்கப்பட்ட கதை அமைப்பில் இவரது
பெரும்பாலான சிறுகதைகள் இருந்தாலும், மாறுபட்ட கதை அமைப்பில்  – ஞானக்கிறுக்கன் என்கிற ஒரே கதை நாயகன் உடைய
சிறு கதைகள்  –  ‘இண்ட்டர்வியூ’ (பணிக்கான நேர்முகத்தேர்வின்
உரையாடல் மட்டுமே)  –  ‘சர்வாதிகாரியும் சன்யாசினியும்’ (முசோலினி,
பி. யூ. சின்னப்பா, கபீர் தாஸ், தெரஸா,
தாகூர், வினோபா  பாவே என்று பலரும் புகைப்படத்திலிருந்து இடையிடையே பேசுவது)  –   ‘ஆகஸ்ட்’ (தனது சக ஆசிரியையைத் தாக்கியதற்காக
சாந்தி டீச்சரை பதிமூன்று நீதிபதிகள் விசாரிப்பது) போன்ற சில குறிப்பிடத்தக்கவை.

ஆனந்தவிகடனில் வெளிவந்த “முனியசாமி”
என்கிற கதை வெகு காலமாக எனக்கு நினைவிலிருக்கும் சிறுகதை.

image

முப்பது வருடங்களாக தாசில்தாராக சுமார்
பதினைந்து அலுவலகங்களில் பணிபுரிந்த குமரய்யா, ஐம்பதிற்கும் மேற்பட்ட கடைநிலை
ஊழியர்களைப் பார்த்திருந்தும், முனியசாமியைப் போன்ற
சேவகனைப் பார்த்ததில்லை.

(எல்லா வேலைகளையும் முடித்துவிட்டு ‘நான்
என்னமோ செய்து விட்டேனாக்கும்" என்று முகத்தில் துளி ‘நான்’  இன்றி கைகட்டி நிற்பது கீதையறிந்தோர் கண்டு
திளைக்க வேண்டிய அம்சம்)  

ஒருவாரம் விடாமல் பெய்த மழையில்
அடுப்புக்கு விறகில்லை என்று குமரய்யாவின் மனைவி சொன்னதற்காக கொட்டும் மழையில்
எங்கெங்கோ திரிந்து விறகு கொண்டு வந்து கொடுக்கிறார் முனியசாமி.

எதை
எதிர்பார்த்து இவன் இப்படி ஊழியம் செய்கிறான் என்று தாசில்தாருக்கு பெரும்
வியப்பு. அலுவலகத்தில் பிறரிடம் சொல்லி மாய்ந்து போகிறார்.

(‘மனுஷனுக்கு ஒரு பிரியம் பாருங்க ……..
நாம என்னா அப்படி அள்ளிக்குடுத்திடறோம்’)

மற்றவர்கள் குமரய்யா சொல்வதை
ஆமோதித்தாலும், துணைத் தாசில்தார் ராகவன் புன்னகை மட்டும் செய்கிறார். ராகவன்
எல்லோருக்கும் ஒரு மாதிரியான ஆசாமிதான். சாதாரணமாக தலையைத் தொங்கப்போட்டுக்
கொண்டிருக்கும் அவர், எப்போதாவது நிமிர்ந்து பார்த்து, தனது பிரசித்தமான
புன்னகையுடன் கண்ணாடியை இடதுகையில் எடுத்தார் என்றால் எதிராளியை வம்புக்கு
இழுக்கிறார் என்று அர்த்தமாம். ஒரு குமாஸ்தா வேலை கிடைத்ததும், தன் சுயப் பிரச்சினை
தீர்ந்துவிட்டதால் ‘சமூகத்தைப் பத்தியெல்லாம் நான் ஏன் சார் அலட்டிக்கணும்’ என்று
கேட்ட பங்கஜத்தையும், ‘உலகப் பிரச்சினை எல்லாம் எனக்கு எதற்கு? ஒரே பையனுக்கு வாரிசு
உரிமைப்படி வேலை கிடைத்துவிடுமே’ என்று சொன்ன உறவுக்கார போஸ்ட் மாஸ்டரையும் ஒரு
பிடி பிடிக்கிறார்.

தீபாவளி இனாம் வசூல் செய்து பகிர்ந்து
கொள்ளும் கடைநிலை ஊழியர்களிடம், இருபது ரூபாய் பணத்தைத் தருவதில் எந்த வருத்தமும்
இல்லை. ஆனால் வசூல் மூலம் தங்களுக்குக் கிடைக்கும் தலா ஐம்பது ரூபாய்க்காக அறுபது
பேரிடம் குழைந்து, அரை மனதுடன் தான் அவர்கள் கொடுக்கிறர்கள் என்பது தெரிந்தும்,
அவர்களை ஏன் வள்ளல் ஆக்குகிறீர்கள்? பியூன் என்பது கடைகெட்ட ஜென்மம் என்கிற
அவர்களின் நினைப்பை இந்த வசூல் நியாயப் படுத்துவது ஆகாதா? என்றெல்லாம் கேட்கிறார்.

அதற்கு கடைநிலை ஊழியர்கள் சார்பில்
முனியசாமி பதில் சொல்கிறார்.

‘இப்பிடி ஒவ்வொண்ணுக்கும் அர்த்தம்
பிரிச்சுப் பாக்க முடியுமா? ஓலகத்தில உள்ள அத்தனை பியூனும் பாட்டன் பூட்டன்
காலத்திலேர்ந்து வரதுதான? நிறுத்தினா யாருக்கு நஷ்டம்?’

பணத்தைக் கொடுத்துவிடுகிறார் ராகவன்.

மழையில் நனைந்ததில் ஒரு வாரம் காய்ச்சல்
என்று தெரிந்து போய்ப் பார்த்துவிட்டு வரும்போது ராகவன் கவனித்த ஒருவிஷயம்.
முனியசாமியின் இளைய சம்சாரம் கை முறிந்து கட்டுபோட்டுக் கொண்டிருக்கிறாள்.
மேற்கொண்டு கிடைத்த தகவல். முனியசாமி அலுவலகத்தில் தான் அவ்வளவு பவ்யம்.  இரண்டு மனைவியரும், முனியசாமி  முறைத்துப் பார்த்தாலே அடங்கிவிடுவார்களாம்.
இல்லாவிட்டால்.  வீட்டில் நெருதுளி தான்.
மனைவியின் கை முறிந்தது முனியசாமி கட்டையால் அடித்ததால்தான்.

image

இதை குமரய்யாவால் நம்ப முடியவில்லை.
ராகவனோ, இப்படி இருப்பது உலகத்தில் சகஜம் என்கிறார்.

(‘ஊருக்குப் பயப்படுபவன் பெஞ்சாதியை அதிகாரம்
செய்வான்–பெஞ்சாதிக்கு பயப்படுபவன் ஊரை மிரட்டுவான்’)

குழந்தைகளின் படிப்பிற்காகக் குடும்பம்  சொந்த ஊருக்குப்போய்விட, மாற்றல் கிடைக்கும்வரை
அலுவலகத்திலேயே ஒரு பகுதியில் தனியாகத் தங்கிவிடுகிறார் குமரய்யா. அந்தச்
சமயத்தில் முனியசாமியின் ‘கடமைகள்’ அதிகரித்துவிடுகிறது.

(பனிரெண்டு மணிநேர ‘எஜமான்’ இருபத்தி
நான்கு மணிநேர ‘எஜமான்’ ஆகிவிட்டார்.)

அந்த நாளும் வந்தது. மற்றலாகிப் போகும் குமரய்யாவின்
பிரிவு உபசார பாராட்டு விழா.

(பெயரே பாராட்டுக் கூட்டம் என்று
வைத்துவிட்ட பிறகு வேறென்ன… நீ கடி, நான் கடி என்று இருப்பவர்களே, மனுஷன் தொலைகிறான்
என்ற சந்தோஷத்தில் ‘இவர் கீழே வேலைசெய்கிற பாக்கியம்’ என்றுதான் பேசுவார்கள்.)

பாராட்டுதலுக்கு நன்றி தெரிவிக்கும்போது
குமரய்யா அலுவலக சரித்திரத்தில் இல்லாத வகையில் கடைநிலை ஊழியரின் ஒத்துழைப்பையும்
சேர்த்துக்கொள்கிறார்.

(‘உண்மையில் சொல்கிறேன். இன்னொரு முனியசாமிய
இனி நான் சொச்ச காலத்திற்கும் பார்க்கப் போறதில்ல")

வழியனுப்புகையில், புதிதாக வந்த தாசில்தார்
நிலைப்படியிலேயே கைகுலுக்கிவிட்டு உள்ளே போக, ராகவன், ஹெட்கிளார்க், ரெவின்யூ
இன்ஸ்பெக்டர், கடைசியில் பெட்டி படுக்கையுடன் முனியசாமி வெளியே
வரத்தொடங்கினார்கள்.

ஏதோ பியூன் தேவைப்பட்டு புது தாசில்தார்
மணியடிகிறார்.

அனிச்சையாக, ‘எஜமான்’ என்று கையிலிருந்த பொருட்களை கீழே வைத்துவிட்டு விரைந்து உள்ளே
போய்விடுகிறார் முனியசாமி.

எல்லோரும்
குண்டு விழுந்தது போல திகைத்துப் போய்விடுகிறார்கள்.

குமரய்யாவிற்கு
இந்த ஊரில் அவரது மொத்த ஊழியமும் பங்கப்பட்டுவிட்ட  அவமானம்.

(“என்ன இப்படிப் பண்ணிப்பிட்டான்.
சிங்காரிச்சு மூக்கறுத்த மாதிரி.”)

ரெவின்யு
இன்ஸ்பெக்டருக்கு ‘அவனை’ அதிர அடிக்க என்னசெய்யலாம் என்ற ஆவேசமான யோசனை.

ராகவனின் கருத்தோ
வேறு

(‘இதுவரை
முனியசாமி செய்து வந்த பூஜையெல்லாம் தாசில்தார் என்கிற பீடத்திற்குத் தான். மேஜை
மணி அடிக்கப்பட்டதும் ‘ஐயா, ஆஜர்’ என்று சர்வங்கமும் பணிய கைகட்டி நிற்கவேண்டும், கட்டளையை நிறைவேற்ற வேண்டும்.
தாமதிக்கக் கூடாது என்றே அவர்களை உருவாக்குகிறோம். நமக்குத் தேவைப்பட்டபோது வேறு
விதமாகச் செயல்பட வேண்டும் என்று எதிர்பார்க்கலாமா ?  

நாம
நம்ம சௌகரியத்துக்கு ஒரு நோயாளியை உண்டாகிட்டு, அப்புறம் அவன் ஆரோக்யமாவும் நடந்துக்கலேன்னு வருத்தப்பட்டா எப்படி?)

எனினும்.
ராகவனுக்கு குமாரய்யாவின் கோபத்தை தணிப்பதுதான் முதல்கடமை.  

(கருத்துக்கள் மட்டுமே வெற்றியாகிவிட முடியாது. இடனரிதல், அவையறிதல் காலமறிதல் என்பதெல்லாம்
எதற்காக இருக்கிறது)

அவன் செய்தது
அயோக்யத்தனம்தான் என்பதில் சந்தேகம் இல்லை என்றாலும், அவன் புத்தியெல்லாம் ஏன் இப்படிப் போகிறதென்று நினைத்துக்
கொண்டிருந்ததாகக் கூறுகிறார். ராகவன் இப்படிச் சொன்னதும் அதுவும் முனியசாமியை
ஒருமையில் குறிப்பிட்டதும் அவமானத்தில் முக்கால் பங்கு துடை பட்டது போல்
உணர்கிறார் குமரய்யா.

* * * * * * * * * *
* *

தொகுப்பின்  முன்னுரையில் அசோகமித்திரன் குறிப்பிட்டது
போல,  இவரது கதைகள் அதில் எழுதப்பட்டிருப்பதோடு
முடிந்துவிடாது. அவற்றில் உள்ள அந்தரங்கமான கோபமும், அந்தக் கோபத்தின் அடிப்படை
நியாய உணர்வும் மனதை உறுத்திக்கொண்டே இருக்கும்.

இவரது மற்ற கதைகளில்
என்னை பாதித்தவை, ‘மொட்டை’ , ‘இவன்’ ‘பஸ்’, ‘பைத்தியம்’  என்று பல.  இணையத்தில் படிக்கக் கிடைக்கும் இவர் கதைகள்:

பகல்
உறவுகள்

பாஷை

பக்கம் – 15 

பக்கம் 16க்கு மேல் படிக்க" older entries" கிளிக் செய்யவும்