அட்டைப்படம் -டிசம்பர் 2016

attai3

Advertisements

வண்ணதாசன் அவர்களுக்கு சாகித்ய அகாடமி விருது !

தமிழ் மொழிக்கான 2016-ம் ஆண்டின் சாகித்ய அகாடமி விருதுக்கு எழுத்தாளர் வண்ணதாசன் தேர்ந்தெடுக்கப்பட்டிருக்கிறார்.

‘ஒரு சிறு இசை’ என்ற சிறுகதைத்  தொகுப்புக்காக அவருக்கு இந்த விருது வழங்கப்படுகிறது.

எழுத்தாளர் வண்ணதாசன். படம்: அவரின் ஃபேஸ்புக் பக்கம்

இவர் திருநெல்வேலியில் பிறந்தவர். இயற்பெயர்  சி.கல்யாணசுந்தரம்.  கல்யாண்ஜி என்ற பெயரில் கவிதைகளை எழுதி வருகிறார்.

இவர் ஏற்கனவே கலைமாமணி, இலக்கிய சிந்தனை, விஷ்ணுபுரம் விருது ஆகியவற்றைத்  தனது படைப்புகளுக்காகப் பெற்றுள்ளார்.

இவரது 15 சிறுகதைகள் அடங்கிய ‘ஒரு சிறு இசை’ என்ற நூலை சந்தியா பதிப்பகம் வெளியிட்டது. இந்த சிறுகதைத் தொகுப்புக்கு இந்த ஆண்டுக்கான சாகித்ய அகாடமி விருது கிடைத்துள்ளது.

வங்கிப்பணியிலிருந்து ஓய்வுபெற்றவர்  வண்ணதாசன்.

தமிழின் மூத்த  எழுத்தாளர் தி.க.சிவசங்கரனின் மகன் என்பது குறிப்பிடத்தக்கது.

இவர் விருதுக்குப் பெருமை சேர்க்கிறார்.

 

தலையங்கம்

Image result for jayalalitha last rites

 

Image result for jayalalitha last rites

 

பெருமதிப்பிற்குரிய தமிழக முதல்வர், அம்மா என்று அனைவராலும் அன்போடு அழைக்கப்பட்ட செல்வி ஜெ ஜெயலலிதா  டிசம்பர்  5 ஆம் தேதி அன்று இரவு நம்மை  விட்டுப்  பிரிந்துவிட்டார்.

அவருடைய பிரிவால் வாடும் அனைத்து உள்ளங்களுக்கும்  குவிகம் தன் இதய பூர்வமான அஞ்சலியைத் தெரிவித்துக்கொள்கிறது .

Image result for jayalalitha as actress

சிறுவயதிலிருந்தே நடனத்தில் தனது தனி முத்திரையைப் பதித்தவர் .

Image result for jayalalitha funeral

திரைப்படங்களில் தன் திறமையாலும் எம் ஜி ஆரின் ஆதரவாலும் முதல் இடத்தைப் பிடித்தவர். இவர் நடித்த படங்களில்  90 சதவீதம் சூப்பர் வெற்றி.

அரசியலில் இவர் அடைந்த வெற்றிக்கு அளவே இல்லை. 6 முறை முதல்வராகத் தேர்ந்தெடுக்கப்பட்டிருக்கிறார். பல சோதனைகளைத் தாண்டி வெற்றி கண்டவர். ஊழல் வழக்கினால் முதல்வர் பதவியை இழந்தவர். அளவுக்கு மீறிய சொத்துக் குவிப்பால் 100 கோடி அபராதமும் சிறைத் தண்டனையும் பெற்றவர். சிறைத் தண்டனையையும் அனுபவித்தவர். ஆனால் பின்னால் அவையெல்லாம் சட்டத்துக்கு முரணானது அல்ல என்று தீர்ப்பு வாங்கி மக்களின் முதல்வராகத் திகழ்ந்தவர்.

அவருக்குப் பின்  அதிமுக வில் யார்?

சசிகலா??

விரைவில் தெரியும்!

1எடிட்

 

 

சோ

சோவின் மறைவு ஒரே எழுத்தில் சொல்லப்போனால் ‘ஓ ‘

பத்திரிகையாசிரியர் சோ, எழுத்தாளர் சோ, அரசியல்வாதி சோ, நாடகாசிரியர் சோ, நாடக நடிகர் சோ, திரைப்பட  நடிகர் சோ,  பேச்சாளர் சோ, டைரக்டர்  சோ, சட்ட நிபுணர் சோ, பின்னால் ஜெயலலிதாவின் ஆலோசகர் சோ , மிடாஸ் போன்ற மதுக்கம்பெனிகளுக்கு  நிர்வாக இயக்குனர் சோ !

இதில் எந்த சோவை உங்களுக்குத் தெரியும்?

எல்லா  சோவிற்கும்  ஒரு  பொதுவான இழை  – நகைச்சுவை !

காலத்துக்கு ஏற்ப மாறுபவர் ! ஆனால் சந்தர்ப்பவாதி அல்ல.

காங்கிரசைத் திட்டினவர் – தி மு க வை ஆதரித்தவர். அ திமு க வை எதிர்த்தவர். எம் ஜி ஆரை ஆதரித்தவர். ஜனதாவை மதித்தவர். மொரார்ஜி, வாஜ்பேய், மோடி இவர்களைத் தீவிரமாக ஆதரித்தவர். ஜெயலலிதாவை ஆதரித்தவர்.

ஒவ்வொன்றும் காரணம் இல்லாமல் அவர் செய்ததில்லை.

யாருக்கும் தலை வணங்காத ஜெயலலிதா -இவருக்குத் தலை வணங்கியதாக ஒரு புகைப்படம் இணைய தளத்தில் வலம் வந்திருக்கிறது.

துக்ளக் என்ற அரசியல் பத்திரிகையைத் தொடர்ந்து நடத்தியதற்காக அவரை எவ்வளவு பாராட்டினாலும் தகும்.

சோவின் மகாபாரதமும் அவரது எங்கே பிராமணனும் என்றென்றும் பேசப்படும்.

அவரது பிரிவால் வாடும் அனைவருக்கும் குவிகத்தின் சார்பில் அஞ்சலியைத் தெரிவித்துக் கொள்கிறோம்.

 

 

குவிகம் இலக்கியவாசலின் 21 வது நிகழ்வு

குவிகம் இலக்கியவாசலின் நிகழ்வில்  உலகத் தரம் வாய்ந்த தமிழ் ஓவிய இலக்கியர் அல்லது இலக்கிய ஓவியர் திரு இந்திரன்  அவர்கள்  “நான் சந்தித்த அபூர்வ இலக்கிய மனிதர்கள்”  என்ற தலைப்பில் உரை நிகழ்த்தினார் !

No automatic alt text available.

Image may contain: 1 person, sitting and indoor

அவர் நிகழ்த்திய உரையின் காணொளி உங்கள் பார்வைக்கு !

(நன்றி : திரு: விஜயன்)