11th TAMIL - மெய்ப்புத் திருத்தக் குறியீடுகள் - PART 2 - NEW BOOK

மெய்ப்பு என்றால் என்ன என்பது பலருக்குத் தெரியாமல் இருக்கலாம். 

PROOF READING தான் மெய்ப்பு என்றால் எல்லோருக்கும் சுலபமாகப் புரிந்துவிடும். 

நாம் எழுதும் போது அல்லது கம்ப்யூடரில் தட்டச்சு செய்யும் போது தெரிந்தும் தெரியாமலும் பல தவறுகள் செய்கிறோம். 

தமிழில்   பிழையின்றி எழுதுவது எப்படி என்பதை நாம் படித்து நன்கு தெரிந்து கொள்ள வேண்டும். ( நன்னன் , மகுடேஸ்வரன், போன்றோரின் புத்தகங்கள் தற்போது தினமணியில் வரும் கட்டுரைகள் போன்றவற்றைப் படிப்பது நல்லது. இவற்றுள் முக்கியமான பிழை ஒற்றுப் பிழை. எங்கே ஒற்று மிகவேண்டும் எங்கே மிகக் கூடாது என்பதற்கு சூத்திரங்கள் உள்ளன. அதுவும் தமிழும் ஆங்கிலமும் கலந்து எழுதும்போது அது இன்னும் அதிக சிரமமாகிறது. இதனால் பலர் ஒற்றுப் பிழை பிழையே அல்ல என்று கூறவும்  ஆரம்பித்திருக்கிறார்கள். 

தமிழில் சில சொற்கள் தனியாக வருவதில்லை. போல, பற்றி ,கொண்டு, வேண்டும்  போன்றவை. அவை முதல் வார்த்தையுடன் சேர்த்து எழுதவேண்டும்.   

அடுத்து தற்காலத்தில்  கம்ப்யூடரில் ஆங்கிலம் மூலம் தமிழில் டைப் அடிக்கும் போது நிறைய தவறுகள் நிகழ்கின்றன. அவற்றை அவ்வப்போது திருத்திக் கொள்ள வேண்டும்.  

இந்தப் பிழைகள் எல்லாம் திருத்துவதற்கு vaani editor என்ற மென்பொருள் உள்ளது. MS WORD இலேயே தமிழ் வார்த்தைகளைத் திருத்தும் வசதி உள்ளது என்றும் கூறப்படுகிறது. அதை உபயோகப் படுத்தினால் தவறுகளை அது சுட்டிக் காட்டும். நாம் திருத்திக் கொள்ள வேண்டும். 

இப்போது மெய்ப்பு என்ற பணிக்கு வருவோம். பிழைகளை எப்படிச் சுட்டிக் காட்டினால் திருத்துபவருக்கு உதவியாக இருக்கும் என்பதற்கு இந்தக் கட்டுரை உதவியாக இருக்கும்.

இது 11 வது படிக்கும் மாணவர்களுக்கான பாடம்.  

11TH TAMIL மெய்ப்புத் திருத்தக் குறியீடுகள்
அச்சுப்படி திருத்துபவரின் பணிகள்
குறியீடுகள் இடுதல்
திருத்தக் குறியீடுகளின் வகைகள்
பொதுவானவை
நிறுத்தக் குறியீடுகள்
இடைவெளி தரவேண்டியவை
இணைக்க வேண்டியவை
எழுத்து வடிவம்
திருத்தக்குறியீடுகளின் தமிழ்ப் பெயர்கள்

11TH TAMIL மெய்ப்புத் திருத்தக் குறியீடுகள்

 

  • நூல்களையோ, இதழ்களையோ வெளியிடும்போது பிழையின்றி அச்சிடவேண்டும்.
  • எழுத்துப்பிழைகள், தொடர்ப்பிழைகள், மயங்கொலிப் பிழைகள், ஒருமை பன்மைப் பிழைகள் ஆகியவை நிறைந்த செய்திகள், படிப்போர்க்குத் தவறான கருத்தை அளித்து, குழப்பத்தில் ஆழ்த்திவிடும்.
  • எனவே, நூல்கள் அல்லது இதழ்களை அச்சிடுவதற்கு முன்னர் அச்சுப்படி திருத்துபவர் அப்பணியின்போது பிழைகளைத் திருத்துவதற்குப் பின்பற்றும் முறைகளையும் திருத்தக் குறியீடுகளையும் அறிந்திருத்தல் வேண்டும்.

அச்சுப்படி திருத்துபவரின் பணிகள்

  • மூலப்ப டியில் (Original Copy) உள்ளபடியே செய்திகள் அச்சாகியுள்ளனவா? என்று ஒவ்வொரு வரியையும் படித்துக் கவனித்தல் வேண்டும்.
  • செய்தியின் உள்ளடக்கம், புள்ளிவிவரங்கள், எண்க ள், அட்டவணைகள் முதலியன விடுபட்டுள்ளனவா என்பதை மூலப்படியோடு ஒப்பிட்டுக் கவனித்தல் இன்றியமையாதது. ஏனெனில், புள்ளி விவரங்கள் மாறினால் செய்தியின் பொருளில் முரண்பாடு ஏற்படும்.
  • அச்சுப்படி திருத்துவோர் செய்தியின் உருவையோ உள்ளடக்கத்தையோ மாற்றுதல் கூடாது.
  • பிழை ஏற்பட்ட சொல்லின்மீது எழுதுதல் கூடாது. ஒரு வரியின் இடப்பக்கப் பாதியில் பிழை இருந்தால் இடப்பக்க ஓரமும் வலப்பக்கப் பாதியில் பிழை இருந்தால் வலப்பக்க ஓரமும் திருத்தம் தருதல் அச்சிடுவோர்க்குப் பயனுடையதாக அமையும்.
  • பிழைகளை ஓரம்வரை கோடிழுத்துக் காட்டும்போது, மேலும் கீழும் உள்ள வரிகள் பாதிக்கப்படாமல் பார்த்துக் கொள்ளுதல் வேண்டும்.
  • ஒரு வரியில் ஒன்றுக்கும் மேற்பட்ட பிழைகள் இருந்தால் பிழைகளைக் குறிக்கும் கோடுகளைத் தெளிவாகக் காட்டல் வேண்டும்.
  • ஒரு சொல்லில் பிழைகள் பல இருந்தால் அச்சொல்லையே நீக்கிவிட்டுச் சரியான சொல்லைத் தெளிவாகப் பக்க ஓரத்தில் தருதல் வேண்டும்.
  • எண்ணின் (Number) இடையில் பிழையிருந்தால் அந்தத் தொகையை முழுவதுமாகப் பிழையின்றி எழுதிக்காட்டுதல் நல்லது.
  • அச்சுப்படியில் இருக்கும் வண்ணத்திற்கு மாறான வண்ணமுடைய மையால் திருத்துதல் வேண்டும். இது பிழைகளைத் தெளிவாகக் கண்டறிய உதவும்

குறியீடுகள் இடுதல்

  • அச்சுப்படியில் இருக்கும் பிழைகளைத் திருத்த உலக அளவில் பொதுவான திருத்தக் குறியீடுகள் என்று சில உண்டு.
  • அத்தகைய திருத்தக் குறியீடுகளை அச்சுப்படி திருத்துவோர் முதலில் படித்தறிதல் வேண்டும்.
  • பிழையிருக்கும் இடத்தில் ஒரு சிறு கோட்டினால் குறித்து, அந்த வரிக்கு நேராகப் பக்கத்தின் ஓரப்பகுதியில் (Margin) குறியீடுகளைப் பொருத்தமாக இட்டுப் பிழையின் திருத்தத்தைக் குறிப்பிடுதல் வேண்டும்.
  • ஒரே வரியில் பல தவறுகள் வந்தால் அவற்றை வரிசைப்படி பக்க ஓரத்தில் சிறு சாய்வான கோடிட்டுத் திருத்தத்தைக் குறிப்பிடுதல் வேண்டும்.
    • எ.கா
    • பாரதியார் கேளிச்சித்திரத்தை விகடச்சித்திறம் என்று குரிப்பார். /லி /ர /றி

திருத்தக் குறியீடுகளின் வகைகள்

  • திருத்தக் குறியீடுகள் ஐந்து வகைகளாகப் பிரிப்பர்
    1. பொதுவானவை (General)
    2. நிறுத்தக்குறியீடுகள் தொடர்பானவை (Punctuations)
    3. இடைவெளி தரவேண்டியவை (Spacing)
    4. இணைக்க வேண்டியவை (Alignment)
    5. எழுத்து வடிவம் (Type/Font)

  • பொதுவானவை

  • 11TH TAMIL மெய்ப்புத் திருத்தக் குறியீடுகள்

நிறுத்தக் குறியீடுகள்

  • 11TH TAMIL மெய்ப்புத் திருத்தக் குறியீடுகள்

இடைவெளி தரவேண்டியவை

11TH TAMIL மெய்ப்புத் திருத்தக் குறியீடுகள் சொற்களை அல்லது எழுத்துக்களைச் சேர்க்கவும். இடைவெளி விட வேண்டாம்.
# பத்திகளுக்கிடையில் வரிகளுக்கிடையில் சொற்களுக்கிடையில் இடைவெளி தருக

இணைக்க வேண்டியவை

  • 11TH TAMIL மெய்ப்புத் திருத்தக் குறியீடுகள்

எழுத்து வடிவம்

Unbold வழக்கமான எழுத்தில் மாற்றுக
Bold தடித்த எழுத்தில் மாற்றுக
Trs சொற்கள், எழுத்துக்களை இடம் மாற்றுக
I.c. எழுத்துருவை சிறியதாக மாற்றுக

  •  

    திருத்தக்குறியீடுகளின் தமிழ்ப் பெயர்கள்

    ஆங்கில பெயர் குறியீடு தமிழ்ப்பெயர்
    Apostrophe ‘ எழுத்துக்குறை
    Semicolon ; அரைப்புள்ளி
    Colon : முக்காற்புள்ளி
    Colondash : – வரலாற்றுக்குறி
    Ditto mark ,, மேற்படிக்குறி
    Dash – இடைக்கோடு
    Bar / வெட்டுக்கோடு
    Brackets ( ) பிறைக்கோடு
    Double Brackets { } இரட்டை பிறைக்கோடு
    Large Brackets [ ] பகர அடைப்பு