உலகில் அதர்மங்கள்
உச்சத்தை தொடுவதற்கு முன்
‘அச்சமில்லை அச்சமில்லை’
உச்சஸ்தாயில் குரல் கொடுத்த
பாரதியின் வீர வரிகளை
மனதில் இருத்தி
மிச்சமிருக்கும்
மனிதநேயம் மீட்போம் !
‘ கடை விரித்தேன்
கொள்வார் யாருமில்லை ‘
கலங்கிய வள்ளலார்
உள்ளம் மகிழ
மிச்சமிருக்கும்
உயிர் இரக்கம் மீட்போம் !
கல்விக்கூடங்களில்
காமக்களியாட்டம் ஆடும்
கொடூர ஆசிரியர்ளை
கடுமையாக தண்டித்து
மிச்சமிருக்கும்
பண்பாட்டை மீட்போம் !
விளைநிலங்களை
வீடுகளாக மாற்றும்
விவசாயி பெருமக்களிடம்
விழிப்புணர்வு ஏற்படுத்தி
மிச்சமிருக்கும்
விளைநிலங்களை மீட்போம் !
குவிகம் மின்னிதழ் (மாத இதழ்) 