108 Amman Dharshan with POTRI song

 

தமிழ்நாடு சுற்றுலா வளர்ச்சிக் கழகம் நடத்திய 

   108 அம்மன்  கோவில் பயணம் 

எழுதியவர்: விஜயலட்சுமி சுந்தரராஜன்

  1. அதிரூப சுந்தரியே சென்னை காளிகாம்பாளே போற்றி! 
  2. ஆதிவழித் துணையே வண்டலூர் இரணியம்மனே போற்றி! 
  3. இடர்களை நீக்கிடும் பொத்தேரி புவனேஸ்வரியே போற்றி!
  4. ஈடில்லா வாழ்வு தரும் திருக்கச்சூர் அஞ்சனாக்ஷியே போற்றி!
  5. உறவுகளைப் போற்றிடும் செங்கல்பட்டு சின்னமுத்துமாரியே போற்றி! 
  6. ஊரார் வணங்கிடும் அச்சரப்பாக்கம் மூங்கிலம்மனே போற்றி!
  7. எங்கும் நிறைந்த முருங்கப்பாக்கம் திரௌபதி அம்மனே போற்றி!
  8. ஏக்கங்கள் தீர்த்திடும் பாண்டிச்சேரி பச்சைவாழியம்மனே போற்றி!
  9. ஐம்புலன் அடக்கிடும் கடலூர் அஞ்சுகிணத்து மாரியம்மனே போற்றி!
  10. ஒப்பில்லா தேவியே தில்லையின் தில்லைஅம்மனே போற்றி!
  11. ஓங்கார சக்தியே சிதம்பரம் தில்லை காளியே போற்றி!
  12. கருணைக்கடலே தில்லை அகிலாண்டேஸ்வரியே போற்றி!
  13. காருண்ய ரூபியே தில்லை காருண்ய மாரியம்மனே போற்றி!
  14. கிரிதரன் சோதரியே சிதம்பரம் சிவகாமசுந்தரியே போற்றி!
  15. கீர்த்தியை அளித்திடும் தில்லை புண்டரீஸ்வரியே போற்றி!
  16. குவலயம் காத்திடும் சிதம்பரம் மஹா முத்து மாரியே போற்றி!
  17. கூர்வாள் ஏந்திடும் தில்லை துர்க்கை அம்மனே போற்றி!
  18. கெட்டதை அழித்திடும் கொள்ளிடம் புலீஸ்வரியே போற்றி!
  19. கேட்டதைத் தந்திடும் கொள்ளிடம் நாகமுத்துமாரியம்மனே போற்றி!
  20. கைகளைப் பற்றிடும் சீர்காழி புற்றடியம்மனே போற்றி!
  21. கொடுமையை அழித்திடும் சீர்காழி சிவகாமசுந்தரியே போற்றி!
  22. கோடி நன்மை தரும் சீர்காழி பத்ரகாளியம்மனே போற்றி!
  23. சந்ததி தந்திடும் சீர்காழி கோமளவல்லியே போற்றி!
  24. சாந்த ஸ்வருபியே சீர்காழி அங்காளபரமேஸ்வரியே போற்றி!
  25. சிந்தையில் நிறைந்திடும் வைத்தீஸ்வரன்கோவில் தையல் நாயகியே போற்றி! 
  26. சீரான வாழ்வுதரும் வைத்தீஸ்வரன்கோவில் துர்க்கை அம்மனே  போற்றி!
  27. சுடரின் ஒளியே திருநன்றியூர் மாரியம்மனே போற்றி!
  28. சூரரை வதைத்திடும் மாயவரம் படைவெட்டி மாரியம்மனே போற்றி!
  29. செருக்கை அழித்திடும் மாயவரம் துர்க்கை அம்மனே போற்றி!
  30. சேர்ந்தார்க்கு ஞானம் தரும் மாயவரம் ஞானாம்பிகையே போற்றி!
  31. சொந்தங்கள் சேர்த்திடும் மாயவரம் பிரசன்ன மாரியம்மனே போற்றி!
  32. சோதனைகள் அகற்றிடும் மாயவரம் சியாமளாதேவியே போற்றி!
  33. சௌபாக்கியம் தந்திடும் மயிலாடுதுறை அபயாம்பாளே போற்றி!
  34. தனங்கள் தந்திடும் மாயவரம் பெரிய மாரியம்மனே போற்றி!
  35. தானாகவே வந்திடும் மயிலாடுதுறை பேச்சாயியம்மனே போற்றி!
  36. திருமணம் வளம் தரும் திருக்கடையூர் அபிராமியே போற்றி!
  37. தீயதை அழித்திடும் ஒழுகைமங்கலம் மாரியம்மனே போற்றி!
  38. துயரினைத் தீர்த்திடும் கீழகாசாக்குடி சீதளாதேவியே போற்றி!
  39. தூயவர் துதித்திடும் காரைக்கால் ஏழை மாரியம்மனே போற்றி!
  40. தெய்வமாய் விளங்கிடும் காரைக்கால் அம்மையாரே போற்றி!
  41. தேயாத வாழ்வு தரும் நாகை நெல்லுக்கடை அம்மனே போற்றி!
  42. தையலர் வழிபடும் நாகை எல்லைஅம்மனே போற்றி!
  43. தொல்லைகள் தொலைத்திடும் நாகை மாகாளியம்மனே போற்றி!
  44. தோல்விகள் நீக்கிடும் நாகை நீலாயதாக்ஷாயணி அம்மனே போற்றி!
  45. நன்மையைத் தந்திடும் பொரவச்சேரி ஸ்வர்ண காளியே போற்றி!
  46. நான்மறை போற்றிடும் பொரவச்சேரி மீனாக்ஷி அம்மனே போற்றி!
  47. நினைத்ததை அருளிடும் பொரவச்சேரி சிங்கார காளியே போற்றி!
  48. நீண்ட கண்ணுடை சிக்கல் வேல் நெடுங்கண்ணியம்மனே போற்றி!
  49. நுண்ணிய அறிவு தரும் கீழ்வேளூர் அஞ்சுவட்டத்தம்மனே போற்றி!
  50. நூபுர அழகியே கீழ்வேளூர் சுந்தரகுஜாம்பிகையே போற்றி!
  51. நெக்குருக வைக்கும் அடியக்காமங்கலம் முத்துமாரியம்மனே போற்றி!
  52. நேர்வழி காட்டிடும் திருவாரூர் கமலாம்பிகையே போற்றி!
  53. நொந்தாரை தேற்றிடும் திருவாரூர் ரௌத்ர துர்க்கையே போற்றி!
  54. நோகாமல் காத்திடும் திருவாரூர் சப்த மாதாக்களே போற்றி!
  55. பலபல நலம் தரும் திருவாரூர் நீலோத் பாலாம்பிகையே போற்றி!
  56. பாலருக்கு அருள்தரும் திருவாரூர் காமாக்ஷியம்மனே போற்றி!
  57. பித்தனின் பத்தினியே காட்டூர் ருத்ரகாளியம்மனே போற்றி!
  58. பீடைகள் போக்கிடும் காட்டூர் பிடாரியம்மனே போற்றி!
  59. புலவர்கள் பாடிடும் காட்டூர் மாகாளியம்மனே போற்றி!
  60. பூவையர் வணங்கிடும் காட்டூர் அபிராமியே போற்றி!
  61. பெரியவர் போற்றிடும் காட்டூர் பொற்பவள காளியம்மனே போற்றி!
  62. பேய்மனம் மாற்றிடும் தஞ்சை வாராஹியே போற்றி!
  63. பொறுமையின் உருவே தஞ்சை பெரியநாயகியே போற்றி!
  64. போற்றப் படுபவளே தஞ்சை காசி விசாலாட்சியே போற்றி!
  65. மங்காத புகழுடைய தஞ்சாவூர் பங்காரு காமாக்ஷியே போற்றி!
  66. மாசில்லா மாணிக்கமே தஞ்சை கோடியம்மனே போற்றி!
  67. மின்னல் கொடியிடையாள் தஞ்சாவூர் ஆனந்தவல்லியே போற்றி!
  68. மீன்விழியாளே தஞ்சை பாலாம்பிகையே போற்றி!
  69. முக்காலம் உணர்ந்தவளே தஞ்சை ராகுகால துர்க்கையே போற்றி!
  70. மூன்று உலகம் ஆள்பவளே தஞ்சை உஜ்ஜயினி மாகாளியே போற்றி!
  71. மென்மனம் கொண்டவளே தஞ்சை புன்னைநல்லூர் மாரியம்மனே போற்றி!
  72. மேன்மை தருபவளே புதுக்கோட்டை புவனேஸ்வரியே போற்றி!
  73. மோகம் அழிப்பவளே புதுக்கோட்டை தக்ஷிண காளியே போற்றி! 
  74. வஞ்சகரை வெல்பவளே புதுக்கோட்டை அஷ்டதசபுஜாங்ககாளியேபோற்றி!
  75. வாளினை ஏந்திடும் கானாடுகாத்தான் அய்யனார் காளியே போற்றி!
  76. விண்ணவர் வணங்கிடும் கானாடுகாத்தான் பொன்னழகியம்மனே போற்றி!
  77. வீரத்தின் விளைநிலமே கானாடுகாத்தான் பரமனூர் காளியே போற்றி!
  78. வெல்லமென இனிப்பவளே கோவிலூர் நெல்லை அம்மனே போற்றி!
  79. வேல்விழியாளே காரைக்குடி கொப்புடை அம்மனே போற்றி!
  80. யாவரும் போற்றிடும் திருப்பத்தூர் சிவகாமசுந்தரியே போற்றி!
  81. அன்னையாய் அருளிடும் திருப்பத்தூர் அங்காளபரமேஸ்வரியே போற்றி! 
  82. இன்னல்கள் நீக்கிடும் திருப்பத்தூர் பூமாயி அம்மனே போற்றி!
  83. உன்னத வாழ்வுதரும் மதுரை மீனாக்ஷி அம்மனே போற்றி!
  84. என்னுயிர் காத்திடும் மதுரை மதுரவல்லித் தாயே போற்றி!
  85. கன்னியர் வணங்கிடும் மதுரை காமாக்ஷி அம்மனே போற்றி!
  86. தன்னிகர் இல்லா மதுரை திரௌபதி அம்மனே போற்றி!
  87. மன்னரும் பணிந்திடும் மதுரை தெப்பக்குள மாரியம்மனே போற்றி!
  88. வெண்ணையாய் உருகிடும் திருப்பரங்குன்றம் வெண்ணை காளியே போற்றி!
  89. எண்ணங்கள் நிறைவேற்றும் திருப்பரங்குன்றம் விஷ்ணு துர்க்கையே போற்றி!
  90. மண்ணினைக் காத்திடும் உறையூர் வெக்காளி அம்மனே போற்றி!
  91. அள்ளி அள்ளித்  தந்திடும் ஸ்ரீரங்கம் ரெங்கநாயகியே போற்றி!
  92. உள்ளத்தில் உறைந்திடும் திருவானைக்காவல் மகா மாரியம்மனே போற்றி!
  93. கோள்களின் நாயகியே திருவானைக்காவல் விஷ்ணு துர்க்கையே போற்றி!
  94. கள்ளமில்லா மனத்தவளே திருவானைக்காவல் உமா மகேஸ்வரியே போற்றி!
  95. வெள்ளமென வழிந்திடும் திருவானைக்காவல் அகிலாண்டேஸ்வரியே போற்றி!
  96. அமுதத்தைத் தந்திடும் சமயபுரம் ஆதி மாரியம்மனே போற்றி!
  97. ராகு கால பூஜை ஏற்கும் சமயபுரம் நாககன்னியம்மனே போற்றி!
  98. பாகுமனம் கொண்டவளே சமயபுரம் பள்ளத்தாளம்மனே போற்றி!
  99. அசுரரை அழித்திடும் சமயபுரம் உஜ்ஜயினி மாகாளியே போற்றி!
  100. சமயத்தில் காத்திடும் சமயபுரம் மாரியம்மனே போற்றி!
  101. ஔஷதம் ஆகிடும் திருப்பட்டூர் பிரம்ம நாயகியே போற்றி!
  102. கௌரவம் காத்திடும் திருப்பட்டூர் காசி விசாலாட்சியே போற்றி!
  103. ரௌத்ரம் தணித்திடும் திருப்பட்டூர் ரேணுகா தேவியே போற்றி!
  104. சௌந்தர்ய ரூபிணியே சிறுவாச்சூர் மதுர காளியம்மனே போற்றி!
  105. பௌர்ணமி நிலவே திருவக்கரை வடிவாம்பிகையே போற்றி!
  106. வக்கிரங்கள் போக்கிடும் திருவக்கரை வக்ர காளியம்மனே போற்றி!
  107. அக்கிரமங்கள் அழித்திடும் திருவக்கரை வைஷ்ணவி முத்தாலம்மனே போற்றி!
  108. அன்னையே செவ்வண்ணமே மேல்மருவத்தூர் ஆதி பராசக்தியே போற்றி! போற்றி!..

108 Amman Dharshan with POTRI song

Advertisements