ராமாயண கிரிக்கெட் ( சென்ற மாதத் தொடர்ச்சி)

ராமாயண கிரிக்கெட்

image

 சென்னை 28ல் தனியாக இருந்த ‘ வோர்ல்ட் கப் ’பைப் பார்த்த ஸ்ரீ லங்கா கேப்டன் ராவணனின் தங்கை சூர்ப்பனகை அதைத் திருடும்போது  லக்ஷ்மணன் பேட்டால் அடிக்க மூக்கில் அடிபட்டு ஓடினாள்.   அவள் கேப்டன் ராவணனிடம் விஷயத்தைக் கூறியதும் அவன் விடுதலைப் புலிகள் வேஷத்தில் வந்து’ வோர்ல்ட்  கப்’பைத் தூக்கிக் கொண்டு ஓடி விட்டான்.  ராமனும், லக்ஷ்மணனும் மனம் தளர்ந்து ‘ வோர்ல்ட் கப்’பைத் தேடியபடி சென்னைத் தெருவெல்லாம் ஓடினார்கள். 

   வரும் வழியில் ‘ கிஷ்கிந்தா கிரிக்கெட் ‘ கிளப்பின்  மெம்பரான  அனுமனைச் சந்தித்தனர்.  அனுமன்   ராமனை  அயோத்யா குப்பத்தில் நடைபெறும் வாலி – 11 Vs  சுக்ரீவன் – 11  போட்டிக்கு அம்பயராக இருக்கும்படி வேண்டிக் கொண்டான்.மற்ற அம்பயர்கள் எல்லாம்  தாதா  வாலிக்குப் பயந்து அவனுக்கு அவுட்டே கொடுப்பதில்லை என்றும் சொன்னான் சொல்லின் செல்வன் அனுமன்.  மேட்சின்  போது சுக்ரீவன் போட்ட ‘ நோ பாலுக்கு ‘ ராமன் வாலியை ‘ LBW ‘என்று சொல்லி அவுட் ஆக்கினான். “ ராமா !  நீயே இப்படி செய்யலாமா?” என்று கேட்டு லோக்கல் மேட்சில் இருந்து ரிடயர்ட் ஆனான் வாலி.

   சுக்ரீவனைக் கேப்டனாக்கி அவன் ஆட்களை விட்டு ‘ வோர்ல்ட் கப்’ பைத் தேடும்படி கேட்டுக் கொண்டான் ராமன்.

   அனுமன் அது ஸ்ரீ லங்காவில் இருக்கிறது என்று கண்டு சொன்னான். உடனே லக்ஷ்மணன், சுக்ரீவன், அங்கதன், ஜாம்பவான், அனுமன் ஆகியோரை அழைத்துக் கொண்டு ஸ்ரீ லங்கா புறப்பட்டான் ராமன்.  அங்கே ‘ வைஸ் கேப்டன் ‘ விபீஷணன் கட்சி மாறி இவர்கள் டீமில் சேர்ந்து கொண்டான்.

     மேட்ச் தொடங்கியது. முப்பத்து முக்கோடி தேவரும் ஸ்டேடியத்தில் நிரம்பி வழிந்தனர்.முதலில் பேட் செய்த ராமன் – லக்ஷ்மணன் – ஓபனிங் பேட்ஸ் மென் இருவரும் பவுண்டரி, சிக்சராகவே  அடித்தனர்.  ராவணனின் பௌலர்கள் எல்லோரும் களைத்துப்  போயினர்.  ஆனால் திடீரென்று  ஆல்  ரவுண்டர்  இந்திரஜித்  ஒரு  ‘ பவுன்ஸர் ‘  போட லக்ஷ்மணன் அடிபட்டு மயங்கி விழுந்தான்.  ராமன் துடித்துப் போனான்.  ஆனால் அனுமன் ஓடி  வந்து  முகத்தில்  ‘ ஸ்பிரே ‘ பண்ண லக்ஷ்மண் எழுந்து விளையாடத் துவங்கினான்.  ஐம்பது ஓவரில் ஆயிரம் ரன் எடுத்து ராமன் லக்ஷ்மண் இருவரும் ‘ நாட் அவுட் ‘ பொசிஷனில் ‘ டிக்ளேர் ‘ செய்தனர்.

  அடுத்து வந்தது ஸ்ரீ லங்காவின் பேட்டிங்.  ராமன் லக்ஷ்மணன் பாஸ்ட் பௌலிங்கிற்கு  முன்னால்  ஆட முடியாமல் தவித்தனர்.  அங்கதனும் சுருள் பந்து போட்டு வேறு திணறடித்தான்..  ஆனால் பல செஞ்சுரி போட்ட கும்பகர்ணன் வந்து எல்லா பந்துகளையும் சிக்ஸராக  அடிக்க  ராமன் கவலைப்பட ஆரம்பித்தான்.  ஆனால் முடிவில் சுக்ரீவனின் சுருள் பந்தில் முகத்தில் அடிபட்டு,  ராமனின் பெருமையை உணர்ந்து,  “ ராமா” உன் கையாலேயே அவுட் ஆக விரும்புகிறேன் “ என்று சொல்ல அடுத்துப் போட்ட ராமனின் பந்தில் ‘ கிளீன் போல்டாகி ‘ வெளியேறினான் கும்பகர்ணன். 

   அதே போல் இந்திரஜித் எப்படிப் போட்டாலும் பவுண்டரியாக அடிப்பதைக்  கண்டு கலங்கிய ராமனிடம் ‘ ஷார்ட் பிட்ச் ‘ போட்டால் தடுமாறுவான் என்று விபீஷணன் சொல்ல லக்ஷ்மணன் அதே மாதிரி போட அவுட் ஆனான் இந்திரஜித்.  ஸ்டேடியத்தில் இருந்த முப்பத்து முக்கோடி தேவரும் ‘ ஜிங் ஜிங் ‘ என்று  ‘ ஜால்ரா ‘ தட்டி ஆரவாரம் செய்தனர்.

   அடுத்து வந்த ராவணன் கோபாவேசத்தில் அடிக்க ஆரம்பித்தான்.  ஆனால் அப்போது லைட் பெயிலியராகிக்  கொண்டிருந்தது.  ராமன் நினைத்திருந்தால்  அவனை அவுட் ஆக்கியிருக்க முடியும்.  இருந்தாலும் ராமன் பெருந்தன்மையுடன்  ராவணனை  ‘ இன்று  போய்  நாளை  வா ‘ என்று சொன்னான்.  ராவணன் அவமானத்தில் துடிதுடித்துப் போய்விட்டான்.

   மறுநாள் மேட்சில் ராவணன் தனது பத்து பேட்டுகளை மாற்றி மாற்றி விளையாடியும் ராமன் லக்ஷ்மணன் பௌலிங்கில் ரன் எதுவும் எடுக்கவே முடியவில்லை.  எல்லா ஓவரும் மெய்டனாகவே  போய்க் கொண்டிருந்தன.  கடைசியில் ராமனின் சூப்பர் பௌலிங்கில் க்ளீன் போல்டானான் ராவணன்.  "வோர்ல்ட் கப் “ திரும்பவும் ராமனிடம் வந்து சேர்ந்தது,  இருப்பினும் அது ஸ்ரீ லங்காவில் ராவணனிடம் இத்தனை நாள் இருந்ததே என்று சந்தேகப் பட்டு  உலக மக்களுக்காக  அதை ‘ Fire  Polish ‘ போட்டு எடுத்துச் சென்றனர்.

     ராமன் அயோத்திக்குக் கேப்டனாகும்  காட்சியில்லாமல்  எப்படி ராமாயணக் கிரிக்கெட் முடிவுறும்? ராமன் கேப்டனாகி, வோர்ல்ட்  கப் அருகில் இருக்க  பரதன்,  லக்ஷ்மணன், சத்ருக்னனுடன்  அனுமனும் கை கட்டி பவ்யமாக நிற்க ஓர் குரூப்  போட்டோ எடுத்துக் கொண்டதும் ராமாயண கிரிக்கெட்  முடிவுற்றது.

   image

நம்பிக்கை

நம்பிக்கை

image

ஒரு காலத்தில் இழந்தேன்  சிறகை
இன்றோ நான் ஒரு  பறக்கும் பறவை
வண்ணக் கதிரின் வருகை 
நெஞ்சில் ஏற்றும் மெருகை

இறைவா எந்தன் கோரிக்கை – அதை
தினமும் கேட்பேன் வாடிக்கை
யானையின் பலம் அது தும்பிக்கை – என்
நெஞ்சில் வளரும் நம்பிக்கை !

வெறுப்பில் வளர்த்தேன் வழக்கை – அதை
நெருப்பில் எறிந்தேன் விறகாய்
இணைந்தன எங்கள் இரு கை
மலர்ந்தது புதிய வாழ்க்கை

இறைவா எந்தன் கோரிக்கை – அதை
தினமும் கேட்பேன் வாடிக்கை
யானையின் பலம் அது தும்பிக்கை – என்
நெஞ்சில் வளரும் நம்பிக்கை !

பூக்கள் பாடும் சங்கீதம்

பூக்கள் பாடும்   சங்கீதம்

பூக்கள் பாடும்   சங்கீதம்
புல்லாங்குழலோ சந்தேகம்
செடிகள் ஆடிடும் தில்லானா
என்னைக் கேட்டது நலந்தானா !

image

காற்றில் அசையும் இலை ஒலிகள்
தம்பூராவாக மாறியதோ?
மரத்தின் கிளைகள் நெருக்கும் போது
மேளச்சத்தம் கேட்டிடுமோ?

சூரியன் ஜாகிங் செய்யும் போது
சிந்தும் வேர்வை மழைத்துளியோ?
மேகம் பாக்ஸிங் செய்யும் போது
தோன்றும் சத்தம் இடி ஒலியோ?

வானம் நாணி மேகச் சேலை
நழுவி விழுந்தால் முழு நீளம்!
கடலின் மடியில் இளமைச் சூட்டில்
துளிர்க்கும்  வேர்வை கடல் நீரோ?

மொட்டுகள் மெல்ல மலரும் சத்தம்
முத்தம் என்றே பேர் பெறுமோ?
மூங்கில் உரசி எழுப்பும் ஓசை
விரக  தாப எதிரொலியோ?

இலவம் பஞ்சு வெடிக்கும் அழகு
குலவும் பெண்ணின்  முதல் இரவோ ?
இலையின் சருகை மிதிக்கும் ஒலிகள்
இரவில் சிந்தும் வளை ஒலியோ?

பூக்கள் பாடும் சங்கீதம்
காதில் விழுந்தால் சந்தோஷம்!

நாலு வரிக் கதைகள்

செருப்பு

 image

மட்ட மத்தியானம் . நாப்பத்து நாலு டிகிரி வெயில் கொளுத்திக்  கொண்டிருந்தது. உழைப்பாளி சிலை கிட்டே வரும் போது  செருப்பு பிஞ்சு போச்சு – இனிமே தையலே போட முடியாத அளவுக்கு! என்ன பிச்சைக்கார பொழப்பு! அவன் மேலேயே அவனுக்கு கோபமாக வந்தது. கால் சூட்டையும் பொருட்படுத்தாமல் கோபத்துடன் பிஞ்ச செருப்பை வீசி எறிந்தான். வறுமை ஒழிப்பு மாநாட்டில் கலந்து கொள்ள  வந்த  அமைச்சர் எச்சில் துப்ப  கார்  ஜன்னலைத் திறக்க அவர் மூஞ்சியில் விழுந்தது அந்த அறுந்த செருப்பு! .

ஊர்க்குருவி 

image

உயர உயரப்   பறந்தாலும் ஊர்க்குருவி பருந்தாக முடியுமா? பருந்தாக முடியா விட்டாலும் அது அட்லீஸ்ட் பறந்தாக வேண்டும். பரந்தாமன் அருள் இருந்தால்  ஊர்க்குருவி பருந்தாகவும் முடியும்.

ஊர்க்குருவி – எக்ஸ்ட்ரா நடிகை

பருந்து – ஹீரோயின்

பரந்தாமன் – தயாரிப்பாளர்

டை – மொட்

image

நாற்பது வயதில் நாராயணனுக்கு தலைமுடி எல்லாம் வெள்ளை. காரணம் திராவிட வைத்தியசாலை கொடுத்த வண்டி மசி. ‘தலைமுடி வெள்ளையானதும் உங்களுக்கு ஆசை கொறைந்திடுச்சுன்னு பொண்டாட்டி சொன்னதும் ஓடிப்போய் ‘இரவோடு இரவா பானர்மேன்  வந்தாற் போல தலைக்கு ‘டை’ அடித்துக் கொண்டு வந்தான். கொஞ்சம் கூட சகிக்கவில்லை. வளர்ப்பு நாய் கூட அவனைப் பார்த்து குரை த்தது. பொண்டாட்டி கட்டிலை தள்ளியே போட்டுட்டா. . வேற வழி! ஏடு  கொண்டலவாடா! கோவிந்தா! கோவிந்தா!

தூக்கம்

image

‘சந்தி காலத்திலே ஏண்டா இப்படி தூங்கறே ? நல்லா சாப்பிட்டுத்தான் தூங்கேன் ‘. -. அம்மா எப்பொழுதும் அடித்துக்கொள்வாள். சாப்பாடு.- சாப்பாடு தான் எப்போதும். சின்ன வயசிலேர்ந்து அவள் அப்படித்தான். தூங்கிற அவனை எழுப்பி பாலு சோறு கொடுத்து தூங்கச்  செய்வாள். காலையில் எழுந்து அவன் முதல் நாள் சாப்பிடவே இல்லை என்று சாதிப்பான்.

இன்னிக்கும் அப்படித்தான். சாயங்காலம் ஆறு மணிக்கே அடிச்சுப் போட்டாப் போல தூங்கறான் . – பெத்த அம்மாவுக்கு கொள்ளி வைத்துவிட்டு!  ஆவியாய் இருக்கும் . அம்மா துடிக்கிறாள் – ‘பையன் இன்னும் சாப்பிடவே இல்லையே!’  என்று! 

தருமிக்கு பாங்க் லோன்

தருமிக்கு பாங்க் லோன்

 image

தினத்தந்தியில் விளம்பரம்

“ வங்கியிலே சிறு தொழில் செய்வோர்க்கு கடன் வழங்கப்படும்”

தருமி:  ஐயகோ ! பாங்க் லோன் ஆச்சே ! இந்த நேரம் பார்த்து என் கையில் ப்ராஜெக்ட் ஒண்ணும் இல்லையே! எனக்கில்லே ! எனக்கில்லே ! வேற எவனோ வாங்கிக்கப் போறான்!

சிவன்: நண்பரே!

தருமி:  யாருய்யா அது?

சிவன்: பிராஜெக்ட்  ரிபோர்ட் ஒன்று கிடைத்தால் பாங்க் லோன் உமக்குக் கிடைக்குமல்லவா?

தருமி:  ஐயகோ ! அடுத்த நிமிஷம் என் கையில் காசு பணம் துட்டு மணி மணி !

சிவன்: சரி! நான் உனக்கு அந்த பிராஜெக்ட்டைத் தருகிறேன்!

தருமி : நீ.. எனக்குத் தர்ரியா? சொந்தமா எடுத்துக்கிட்டு போனாலே கன்னா  பின்னான்னு கேட்டுட்டு சம்திங் வேற கேட்கிறாங்க!

சிவன்: பரவாயில்லை . எடுத்துச் செல்.

தருமி: சரி.. பணம் கிடைத்தால்  எண்ணி வாங்கிக்கிட்டு வருகிறேன்! வேறு எதையாவது எண்ண வைத்தால்?

சிவன்: என்னிடம் வா. நான் பார்த்துக்  கொள்கிறேன்!

தருமி : சரி! பெயிலில் எடுப்பார் போல இருக்கு. நீர்  பிராஜெக்ட்  ரிபோர்ட்டைக் கொடும். பாங்கில் கொடுப்பதை அப்படியே கொண்டு வந்து தருகிறேன். பிறகு நீரா பார்த்து ஏதாவது கொடும்!

                       image

மேனேஜர்: ஆஹா! அருமையான பிராஜெக்ட்! சிறு தொழில்  டார்கெட்டில்  ஒன்று!  இப்போதே லோனை ஸாங்ஷன் செய்கிறேன்!

அக்கவுண்ட்டண்ட் : மேனேஜர் சார்! சற்றுப் பொறும். மிஸ்டர் தருமி ! சற்று இங்கே வருகிறீர்களா?

தருமி: வர மாட்டேன்! லோன் செக் வாங்கிக்கிட்டு வருகிறேன்! அதற்குள் என்னய்யா அவசரம்!

அக்கவுண்ட்டண்ட்: அதில்  தான் பிரச்சினை !

தருமி: என்னய்யா பிரச்சினை?

அக்கவுண்ட்டண்ட்: இந்த  பிராஜெக்ட்  ரிபோர்ட் உம்முடையது தானே?

தருமி: பின்னே கமிஷனுக்கு ஏதாவது சார்டர்டு  அக்கவுண்ட்டண்ட் கிட்டேயா வாங்கிட்டு வந்தேன்!? என்னுடையது தான்! ! என்னுடையது தான்!

அக்கவுண்ட்டண்ட்: அப்படியானால்  கேஷ் ப்ளோ  ஸ்டேட் மெண்டை விளக்கிக் கூறி லோனைப் பெற்று கொள்ளலாமே !

தருமி: என்னய்யா இது!  மேனேஜருக்கே  விளங்கி விட்டது! இடையில் நீர் வேற!

அக்கவுண்ட்டண்ட்:  உன் பிராஜெக்ட்டில் நிறைய பிழை இருக்கிறது!

தருமி: எதில் இல்லை? உங்கள் பாங்க் பேலன்ஸ் ஷீட்டில் இல்லையா? நல்ல பிராஜெக்ட் சார்! எவ்வளவு தப்பு இருக்கோ அவ்வளவுக்கு குறைச்சிக்கிட்டு பாக்கித் தொகைக்கு செக் தர்ரது!

அக்கவுண்ட்டண்ட்: மிஸ்டர் தருமி ! ஹர்ஷத் மேத்தாவுக்கும் கேட்டன் பரீக்கிற்கும் லோன் கொடுத்த எங்கள் வங்கியில் தவறான பார்ட்டிக்கு லோன் தருவதை தடுப்பவன் இந்த அடியேன் தான் !

தருமி: அட சே ! இதுக்குத் தான் புதுசா பிராஜெக்ட் போட்டவனை எல்லாம் நம்பக் கூடாது! எனக்கு லோன் வேண்டாம்! வேண்டவே வேண்டாம்!

ஆட்டம் கொண்டாட்டம் (விஜயலக்ஷ்மி)

ஊதா கலரு ரிப்பன் ( மெட்டு )

image

ஆட்டம் கொண்டாட்டம் இது யாரு திட்டம் ?
சொல்லுங்க அவருக்கு நான்  சலாம் போடணும் ! (ஆட்டம் )
 
கூட்டம் பெருங் கூட்டம்  இது தானா வந்த கூட்டம்
நாம் சொல்லுவோம் எல்லோருக்கும் நம் நன்றியை 
 
மத்தவங்க ஆட்டம் எல்லாம் தூசி வெறும் தூசி
ஆனந்தின் கொண்டாட்டம் எல்லாம் தேசப் பற்று தீமைச் சுற்றி

image

வண்ண வண்ணக் கோலங்களில்   தேசக் கொடி பாரு
நல் எண்ணம் சொல்லும் கவிதையில் வழியும்  தேசப் பற்று ஜோரு
 
எல்லோருக்கும் eye check up சேவை நல்ல சேவை  
நல்லோரின் ரத்த தானம் நமக்குத் தேவை மிக தேவை
தாய் நாட்டுக்கு தேவை தேவை
 
ஆட்டம் கொண்டாட்டம் இது யாரு திட்டம்
 
விளையாட்டை எடுத்துக் கொண்டால் போட்டி பல போட்டி
நீ ஆடி வென்று வந்தால் கிடைக்கும்   பரிசு பல பரிசு
 
சுட்டிகளுக்கு ஓட்டப் போட்டி familikku  சுட்டி T V
உள்ளே ஆட chess carom வெளியே ஆட shuttle cock
 
மலர்களுக்கு fancy dress  மரங்களுக்கு walking race
குயில்களுக்கு பாட்டுப் போட்டி அழகு  மயில்களுக்கோ நடனப் போட்டி
 
BEG BORROW STEEL ம் கண்டோம் super singer கலக்கலும் கண்டோம்
சிறப்பாக நடத்துவோர்க்கு மனதார  நன்றி சொல்வோம்.
 
                 நன்றி ரொம்ப நன்றி 

சில ஆசைப்படுகிற கிசுகிசுக்கள்

image

மணிரத்னத்தின் அடுத்த படத்துக்கு ஹீரோ யார் தெரியுமா? மூச்சை இழுத்துப் பிடித்துக் கொள்ளுங்கள்! சச்சின் டெண்டுல்கர் !! ஹீரோயின் பிரபல ஹாலிவுட் நடிகையின் மகளாம் ! படம் செஞ்சுரி போடுமா? 

கமல் அடுத்த படத்தில் கேஜ்ரிவாலாக நடிக்கிறார்! படத்தின் பெயர் “ டில்லி எக்ஸ்பிரஸ்”.

ரஜினியை ஜப்பான் அம்பாஸடராக சோனியா நியமனம்!

2014 தேர்தலுக்கு முன் ராகுல் காந்தி சீனப் பெண்ணை மணக்கிறார் ! திருமணம் அமேதியில் என்று கேள்வி! இந்தி – சீனி – பாய் – கேர்ள் 

டெல்லி போட்டிக்குப் பிறகு தேமு தி க தலைவர் விஜயகாந்த் அமெரிக்க அதிபர் போட்டியில்  கலந்து கொள்வதாக அறிவுப்பு!

கொடநாடு தமிழ் நாட்டின் தலை நகரமாகிறது!

தெலுங்கானாவுக்குப் பிறகு இந்தியாவில் தோன்றும் புதிய மாநிலம் எது தெரியுமா? இத்தாலி! ஆம்! இத்தாலி  இந்தியாவுடன்  இணைய சம்மதித்து விட்டது!

மோடி குஜராத்துக்கு பிரதமராகிறார்!

பாகிஸ்தான் போருக்கு வந்தால் டோனியை ராணுவ தளபதியாக்குவோம்! ஐ . நா. சபையில் மன்மோகன்  சிங் முழக்கம்!

ஜெயலலிதா இந்தியாவின் ஜனாதிபதியாக சம்மதம் !

கரன் ஜோகரின் அடுதத படத்த்தில் ஷாருகானின் ஜோடி அமெரிக்காவில்  இருக்கும் தேவயானி? 

வட தமிழ் நாடு, தென் தமிழ் நாடு, பாண்டி மூன்று மாநிலங்களுக்கும் முதல்வர்களாக ஸ்டாலின், -அழகிரி, – கனிமொழி நியமனம். தி.மு.க. பொதுக்குழு ஏக மனதாக  தீர்மானம்.  

(இதில் சொன்னதெல்லாம் பொய்யே, பொய்யைத் தவிர வேறு ஒன்றும் இல்லை!!!)

அழகான சென்னை

அழகான சென்னை

image

 

அழகான சென்னை அலங்கார சென்னை
அனுதினமும் என்னை ஆதரிக்கும்  அன்னை
 
வானை முட்டும் கட்டிடங்கள் ஆயிரமோ  ஆயிரமோ
வண்ண வண்ண விளக்குகளும் தோரணமோ  தோரணமோ
நீல  நிறக் கடல் அலையும் தேவன் தந்த வரமல்லவா
நீள வெளிக் கடற்கரையும் இயற்கை தந்த அழகல்லவா
 
மயிலூரில் குடியிருக்கும் கற்பகத்தாய் இங்கே
மயிலோனும் குடியிருக்கும் கந்த கோட்டம் இங்கே
பார்த்தனுக்கு காட்சி தரும் சாரதியும் இங்கே
பரமகுரு சீடரும்  அமர்ந்த மலை  இங்கே
 
அடிக்கரும்பை இனிக்க வைத்த திருவொற்றியூர் இங்கே
ஆற்காடு நவாப்  அளித்த அமீர்மகாலும் இங்கே
அருள் மாரி கருமாரி திருவேற்காடும் இங்கே
கன்னி அன்னை மேரியின் கடல் கோவிலும் இங்கே
 
காஞ்சித்தாய் காமாட்சி மாங்காடும் இங்கே
பஞ்சரத்ன பாடல் பெற்ற கோவூரும் இங்கே
ஆங்கிலேயர் கட்டி வைத்த ஜார்ஜ் கோட்டை இங்கே
திரைப்படத்தில் மினுமினுக்கும் கோலிவுட்டும் இங்கே
 
மூதறிஞர்  பேரறிஞர் கர்மவீரர்  எம்ஜியார்
ஆட்சி செய்து அமைதி கொண்ட புனித மண்ணும் இங்கே
புரட்சிகவி பாவேந்தர் கண்ணதாசன்  வாலி என்று
தமிழுக்கு அழகு செய்த தமிழ் மண்ணும் இங்கே

M G R படங்களில் பிடித்தது –

அன்பே வா !image

ராஜாவின் பார்வை ராணியின் பக்கம்

புதிய வானம் புதிய பூமி  எங்கும் பனி மழை பொழிகிறது 

நான் பார்த்ததிலே அவள் ஒருத்தியைத் தான் 
நல்ல அழகி என்பேன்!

ட்விஸ்ட் டான்ஸ் பாருங்கள் 
டெஸ்ட் மாட்ச் ஆடுங்கள் !

கேட்கிறேன்னு தப்பா நினைச்சுக்க கூடாது- சாருக்குத் தொழில் நோட்டடிக்கிறதா ? 

காலைப் புடிச்சு கையைப் பிடிச்சு காக்காய் பிடிச்சு ..

ஏர் போர்ஸிலே இருக்கிற விமானிகள் எல்லாருக்கும் விமானம் தான் முதல் காதலி!

சிட்டிங் புல் – லவர்ஸ் பைட் – 

இன்றைக்குப் பார்த்தாலும் ஜாலியாக இருக்கும்  M G R படம்!  

விநாயகாய நமஹ !

kuvikam:

image

ஓம் சுமுகாய நம: ஓம் ஏகதந்தாய நம:

ஓம் கபிலாய நம: ஓம் கஜகர்ணகாய நம:

ஓம் லம்போதராய நம: ஓம் விகடாய நம:

ஓம் விக்னராஜாய நம: ஓம் விநாயகாய நம:

ஓம் தூமகேதுவே நம: ஓம் கணாத்யக்ஷாய நம:

ஓம் பாலசந்த்ராய நம: ஓம் கஜானநாய நம:

ஓம் வக்ரதுண்டாய நம: ஓம் சூர்ப்பகர்ணாய…

விநாயகாய நமஹ !